Аяулы да, еңбекқор ұстаздарға мың алғыс!

134

Бесінші қазан – ұстаздар күні. Аяулы ұстазадарды келіп жеткен мерекесімен шын жүректен кұттықтаймын! Құттықтай отыра, «Бөлексаз орта мектеп мектепке дейінгі шағын орталығымен» КММ -нің аяулы ұстаздарына алғыс білдіргім келеді. Бөлексаз аулындағы шағын мектепте 7 жыл бойы білім алып, «Абай атындағы РММИ» атты Республикалық мектепке ауысып отырмын. Қарапайым ауыл мектебінен республикалық дарын мектебіне түсу мен секілді қарапайым мектеп оқушысы үшін үлкен жетістік. Осы үлкен жетістікке жетуім ауылымдағы мектеп ұстаздарымның үлкен еңбегінің арқасы. «Адамның адамшылығы жақсы ұстаздан» деп Абай атамыз айтпақшы, тарихта ақыл-парасаты асқақ тұлғалардың көпшілігі ұстазына ерекше құрметпен қарап, әрдайым сондай бір ізетпен еске алған. Анамнан өмірді алсам, ұстаздарымнан сол өмірге керектінің бәрін алып жатырмын деп ойлаймын.
Ең бірінші – бастауыш сыныпта қолыма қалам ұстатып, әліппені үйреткен бастауыш сынып мұғалімі , ұстазым Алимбаева Сандуғаш. Сандуғаш апайдың ерен еңбегінің арқасында бүгінгі таңда сауатты жаза алатын денгейдемін. Адам өмірінде математика саласы үлкен орын алатыны белгілі. Осы саладағы білімімнің алғашқы діңгегін қалаған – мектеп директоры, математика пәнінің мұғалімі ұстазым – Алия Халелқызы. Алия апайдың математика пәніне қызығушылығымды ашқанының арқасында қазіргі таңда есептен жаңылмаймын. Мектепте дарынды балалардың қабілетін ашуға көмектесіп, әрдайым түрлі іс-шаралар ұйымдастырып, балалар үшін жүгіріп жүретін музыка пәнінің мұғалімі- Наурызбаева Мағия апайымның арқасында түрлі жарстарға қатысып, өзімді жан-жақты көрсете алдым.
Бастауыш сыныппен қоштасып, орта буын қатарына қосылғаннан кейін, әрбір оқушының жеке пәндерге қызығушылығы оянады екен. Осы орайда, кішіпейіл де қарапайым, білім мен тәрбиені ұштастырған, қазақ тілі мен әдебиеті пәніне қызығушылығымды оятқан аяулы ұстазым Салпанбаева Ақерке апайыма алғысым ерекше. Үйретуден жалықпай пәндік олипиадаларға қатыстырып, білімімді шыңдай түсті. Ақерке апайымның арқасында өзімнің болашақ таңдаған мамандығымның алғашқы есігі ашылды деп сенемін. Себебі қиындықсыз төрт пәнен тест тапсырып, «Абай атындағы РММИ» атты Республикалық мектептің 8 сыныбына қабылдандым. Сондай – ақ мектеп ішілік дебат үйірмесінің жетекшісі Несипбаева Жансая апай. Жансая апайдың тәлім тәрбиесі мен пікір-сайыстарға араласуға, ізденуге, шығармашылыығымды арттыруға шыңдалдым. Биология пәнінен Болатжанұлы Руслан ағайдың оқушыларды өзіне жақын тартуы, сабағының мен үшін жоғарғы деңгейде өтуі ерекше. Қабақ шытуды білмейтін Құныпияева Толқын апайдың географиядан карта бойынша жұмыстармен тапсырмаларды қадағалап орындатуының өзі маған үлкен көмек болуда. Орыс тілі пәнінен алғашқы білім берген, сауатымды ашқан Мукашева Толқын апайдың еңбегі зор. Өз білімдерін аямаған аяулы ұстаздарымның бірі ағылшын пәнінен Кайырова Мейіргүл, Есенжолова Жанна, Жұмаханова Айдана апайларға алғысым шексіз. Химия пәнінен өз білімін терең үйреткен Жетымекова Орынкүл апайдың еңбегінің арқасында химия пәнінен қиындықсыз шығудамын. Екінші анамыздай болған, ыстық пен суыққа төзіп жүрген сынып жетекшім болған Молдасанова Айнұр апайымның ақыл кеңесін ұмытпаймын.
Осындай аяулы да, еңбекқор ұстаздарға мың алғыс! Сіздерге күнделікті жұмыстарыңыздан рахат алуға, ақылды және тіл алғыш оқушылар және жеңіл оқу жылын тілеймін. Сіздерге денсаулық, жеке бақыт, үйде амандық және ең жақсы күндерді тілеймін! Барлық ұстаздарды төл мерекелеріңізбен құттықтаймын! Еңбектеріңіңіз жемісті бола берсін! Отбасыларыңызға амандық, дендеріңізге саулық тілеймін!

Аружан Аманжолқызы Байжұма,
8 сынып оқушысы.