Білім саласына жаңа бетбұрыс
Президентіміз Қасым-Жомарт Тоқаев Қазақстан Республикасы Парламент палаталарының біріккен отырысында Қазақстан Халқына дәстүрлі Жолдауын жариялады. Жолдауда білім беру саласын дамытудың нақты шарасы мен тұжырымдамасын алға тарта отырып, ұстаздар қауымы мен студенттерді «Білім күнімен» құттықтады.
Президент Жолдауында білім саласындағы мәселелерді айта келіп, балалар мен жастардың арасында қауіпті індеттің алдын алуға санитарлық нормаларды сақтау керектігін, қалыптасқан білім беруді қалпына келтіру, оның тәртібін әзірлеу туралы Үкіметке тапсырма берді.
«Біз оқушылардың қабілетін айқындап, кәсіби бағыт-бағдар беру» саясатына көшуіміз қажет. Бұл саясат орта білім берудің ұлттық стандартының негізі болуы тиіс». Экономикамызда техника саласының мамандарына сұраныс өте жоғары, бірақ мүмкіндіктер аз. Кәсіпорындар тиісті мамандарды шетелден шақыруға мәжбүр. Осындай келеңсіз жағдайды жедел түзетуіміз керек. Қала мен ауыл мектептері арасындағы білім сапасы алшақтап барады. Негізгі мәселе – ауылдық жерлерде білікті педагог кадрлардың тапшылығы, – деп мемлеке басшысы жалпы ұстаздар қауымына қойып отырған үлкен талабы екенін терең түсінеміз. Сондай-ақ «Дипломмен ауылға» бағдарламасын одан әрі дамыту керектігі де анық айтылды. Мұның өзі келешекте ауылдық мектептерге жаңа заман талаптарына сай білім алған жас кадрлардың көптен келе бастайтынына мүмкіндіктер туғызбақ.
Жолдауда келесі жылдан бастап ұстаздардың жалақысы 25 пайызға өсетіні ұстаздар қауымын бір серпілтіп тастады. Сонымен қатар, ұстаздар қауымы өз білімдерін үнемі көтеріп, білім беруде жауапкершіліктерін арттыра түсетін болады.
Жолдаудан туындайтын міндеттерді басшылыққа ала отырып барлық ұстаздар қауымы творчестволық ізденіп, жемісті еңбек ететін болады.
Таударбекова Рысалды Әбдікерімқызы, «Кеген ауданының Білім бөлімі» ММ-нің басшысы.
Көңілден шыққан жолдау
Қазақстан Республикасы сенаты мен мәжілісінің VI-шы шақырылымдағы парламенттің 6-шы сессиясында Қазақстан Республикасының Президенті Қасым-Жомарт Кемелұлы Тоқаевтың Қазақстан халқына жолдауын зор ықыласпен тыңдадаым.
Бұл жолдау Қазақстан халқының игілігі мен әл-ауқатын арттыру, экономиканың тұрақтылығын сақтауға бағытталған.
Жер жүзін жайлаған пандемия індеті кезінде 4,2 млн адамға 42500 теңге көмек беріліп, оған 450 млрд теңге жұмсалғанын, 1млн адамға азық-түлік қоржыны таратылып, 550 мың отбасына «Біз біргеміз» акциясы аясында 50 мың теңге көлемінде қаржылай көмек берілді. Мұның өзі мемлекетіміздің халыққа деген көмегінің зор екенін көрсетеді. Осындай көмекті Кеген ауданының тұрғындары да алып, өздерінің әл-ауқатын жақсартты.
Ел президенті өз жолдауында өндірілген өнімнің үштен-екісі шет елден әкелінетінін, сол себепті отандық өндірісті дамытудың, өңдеу өнеркәсібін тез арада жолға қоюдың маңыздылығына тоқталып, ауыл шаруашылығын дамытпай, ел экономикасын көтеру мүмкін еместігін тілге тиек етті. Үкіметке агро-өнеркәсіп кешенін дамытудың ұлттық жобасын жасауды тапсырды. Мұның өзі дамуы кешеуілдеп келе жатқан ауыл шаруашылығын көтерудің тиімді жолы болмақ.
Тағы бір көңілге қонғаны «Стратегиялық жоспарлау және реформа агенттігін құру туралы» халық шаруашылығын бей-берекет жіберу, жосапарсыз өнім өндіру түптеп келгенде дамуға кері әсер етеді. Барлық саланы жоспарлы түрде жүргізу бүгінгі күн талабы. Сол себепті бұл агенттіктің ел экономикасын дамытуға қосатын үлесі мол болатынына сенімім зор.
Сабыр Досымбеков, Кеген ауданының Ардагерлер ұйымының төрағасы.
