Тәліп Нұркен

Конституциядағы өзгерістер тек құқықтық жүйеге ғана емес, азаматтардың еңбек нарығына, кәсіби даму мүмкіндігіне және жастардың, жұмысшылардың, кәсіпкерлердің мансаптық өсуіне де тікелей әсер етеді.

Комиссия отырысында көтерілген мемлекеттік басқаруды жетілдіру, азаматтардың құқықтарын қорғау және ашықтықты қамтамасыз ету мәселелері – еңбек нарығы мен кәсіби салалардағы қызметкерлер үшін аса маңызды. Әділ және ашық басқару жүйесі мамандардың кәсіби өсуіне, біліктілігін арттыруға, еңбек нарығында тең мүмкіндікке ие болуына жағдай жасайды. Бұл реформалар халыққа қызмет көрсету сапасын арттырып, кәсіби кадрларды тиімді тартуға жол ашады.

Сонымен қатар, азаматтардың қоғамдық және саяси өмірге қатысу мүмкіндігін кеңейту, жергілікті өзін-өзі басқаруды дамыту, қоғамдық бақылауды күшейту жөніндегі ұсыныстар қызметкерлердің кәсіби белсенділігін арттырып, олардың шешім қабылдау процесіне қатысуына мүмкіндік береді. Бұл мемлекеттік және жеке сектордағы мамандардың өз қызметіне жауапкершілікпен қарауына септігін тигізеді.

Тәліп Нұркен