Қызайбекова Нұргүл пікір

Конституциялық түзетулер – тек заңға енгізілетін өзгерістер емес, бұл біздің әрбір отбасының, әрбір ана мен баланың, жалпы қоғамның өміріне әсер ететін шешім. Біз аналар ретінде ең алдымен балаларымыздың болашағы үшін жауапты екенімізді жақсы білеміз. Сол себепті кез келген өзгеріс алдымен балаларымыздың, жастарымыздың құқықтары мен мүмкіндіктеріне қызмет етуі тиіс деп ойлаймыз.

Меніңше, түзетулерде қоғамдағы теңдік пен әділеттіліктің күшейтілуі маңызды. Әйелдер мен аналардың құқықтары, олардың әлеуметтік жағдайы, жұмысқа шығу мүмкіндіктері, балаларды қорғау және білім алу құқығы – осы бағыттар бірінші кезекте қаралуы керек. Біз өмірде күнделікті көріп отырмыз: кейбір отбасыда қиындық көп, кейбір балаға сапалы білім жетпейді. Түзетулер осы олқылықтарды азайтуға, әйелдер мен аналарды, отбасыларды қолдауға бағытталса, ол – үлкен жетістік болады.

Сонымен қатар, біз өз дәстүрімізді, мәдениетімізді, ұлттық құндылықтарымызды сақтауды да маңызды деп санаймыз. Конституциялық түзетулер қоғамдағы моральдық және рухани негіздерді нығайтып, ата-баба аманатына адалдықты көрсететіндей болуы керек. Аналар ретінде біз тек отбасы мен балаларды ғана ойламаймыз, біз болашақ ұрпаққа, елдің бірлігіне, қоғамдық татулыққа қызмет ететін өзгерістерді де бағалаймыз.

Жалағаш ауылдық округі аналар кеңесінің төрайымы Қызайбекова Нұргүл