Коворкинг орталығы ашылды

321

Өз алдына құрылғанына жылдан асқан Кеген ауданында жанға жайлы тиер жаңалықтар аз емес. Жақында аудандық мәдениет үйіндегі ауылдық кітапханадан коворкинг орталығы ашылды. Оны ашуға аудандық мәдениет және тілдерді дамыту және ішкі саясат бөлімдері, «Жастарды қолдау қоғамдық қоры» бірден-бір мүдделі болып, қолдау көрсетті. Коворкинг орталығының салтанатты ашылуына аудан әкімінің орынбасарлары Қайрат Омархалық, Кеңес Қабылбеков, «Нұр Отан» партиясы Кеген аудандық филиалы төрағасының бірінші орынбасары Алмас Мұқаев, аудандық мәслихаттың хатшысы Нұрбай Советов қатысып, жылы ниеттерін білдірді. Коворкинг орталығы негізінен жастарға арналған. Оның бар жұмыстарымен «Жастарды қолдау қоғамдық қорының» жетекшісі, білімді, білікті, белсенді жастардың бірі Бақтияр Бақыткелдіұлы таныстырды. Осылайша аудан орталығында тағы бір коворкинг орталығы жұмысын бастады.