Жүлдемен оралды

Талдықорған қаласында өткен XVII «Жетісу жұлдыздары – 2019» атты облыстық балалар шығармашылығы байқауына қатысып Кеген өнер мектебі түлектері жеңіспен оралды. Аудан намысын қорғаған өнерпаз жеткіншектер облыстан жиналған 105 бала ішінен дәстүрлі ән номинациясы бойынша Омарқызы Жібек жүлделі II-орынды, ал эстрада ән номинациясы бойынша III-орынды Баратбек Абылай қанжығасына байласа, Жақан Аян дипломант атанды. Мың бұралған бишілеріміз «Таңшолпан» би тобы облыстық Алғыс хатымен марапатталды. Өнерлерің өрлей берсін жеткіншектер дегіміз келеді.

Суретті түсірген: Ерғанат Әбдіреш.