“Салауатты өмірге қадам” семинар-тренингі өтті

Кеген ауданы әкімдігі мен ауданның “Ішкі саясат бөлімі” мемлекеттік мекемесінің қолдауымен, сондай-ақ “Қамқор-Кеген” Алматы облысының есту қабілеті нашар мүгедектердің қоғамдық бірлестігінің ұйымдастыруымен Тасашы ауылындағы орта мектепте маңызды семинар-тренинг өтті.
Іс-шараның басты мақсаты– жастардың салауатты өмір салтына деген көзқарасын қалыптастыру, өз денсаулығына жауапкершілікпен қарауға үндеп, өмірлік дағдыларын дамыту. Қатысушылар пайдалы ақпарат алып қана қоймай, топтық ойындар мен арнайы жаттығулар арқылы белсенділік танытты.
Тренинг мектеп оқушыларының мотивациясын арттырып, денсаулықтың маңызын тереңірек түсінуге жол ашты. Ұйымдастырушылар мұндай игі шаралар алдағы уақытта да жалғасатынын атап өтті.

Ф.Акимбекова,
“Кеген-Қамқор” Алматы облысының есту қабілеті нашар мүгедектердің қоғамдық бірлестігінің төрайымы.