«Жылысай жүлдесі» жалғасын тапты

416

Жылысай ауылында орта мектепті бітіргендеріне 10 жыл толған түлектердің футболдан турнир ұйымдастыру дәстүрге айналып, жыл сайын дүбірлеп өтіп келеді. Осыдан төрт жыл бұрын 1987 жылғылар 10 жылдық кездсеулеріне орай футболдан турнир ұйымдастырып, жыл сайын кездесуге келетіндерге төс байлап, турнир  ұйымдастыруды жүктейді.  Биылғы турнирді 2009 жылы мектеп бітірген 1991 жылғы азаматтар өткізді. Жылысай жарысының салтанатты ашылу рәсімінде ауыл әкімі Қайрат Нарынбаев «жастар жылына» орай өткізілген турнирдің жылдан-жылға ұласып, өміршек болуына тілеулестігін айтып, азаматтардың туған жерге ту тігуге қашан да әзір  болу керектігін де ескертті.  Құрметте қонақтардың арасынан сөз алған Жылысау ауылдық ақсақалдар алқасының төрағасы, Райымбек ауданының Құрметті азаматы Болат Таубалдиев, жоғары санатты ұстаз Әукен Қаптағаев, ауыл ақсақалы Кәкен Әлтанұлы жарысқа қатысушы футболшыларға сәттілік тіледі.   Екі топқа бөлінген командалар арасынан плей-офф кезеңіне «Балғабаевтар», «Жылысай жастары», 1989 жылғылар және 1986-1987 жылғылардан жасақталған командалар шықты. Турнирдің чемпионы атағы мен 100 000 теңге ақшалай сыйақыны Балғабаевтар командасы алса, 2-орын 1989 жылғы жігіттердің командасына бұйырып, 60 000 теңгемен марапатталды. 3-орын 1986-1987 жылғылардың еншісіне жазылып, кіші кубок және 40 000 теңге сыйақы алды. 4-орын бұйырған Жылысай жастары командасына 10 000 теңге жүлде берілді. Келесі жылғы «Жылысай жарысын» 1992 жылғы азаматтар өткізу үшін эастафетаны қабылдап алды.

Мақсат Тілекметов, Спорт  жөніндегі әдіскер нұсқаушы.