Республикаға жолдама алды

94

    Тоғызқұмалақ – ұлтымыздың ежелден келе жатқан ойыны. Спорттың бұл түрі кезең келбетіне сай дамып келеді. Тоғызқұмалақпен айналысушылардың да қатары арта түсуде. Бұл құптарлық жайт. Әсіресе, мектеп қабырғасындағы балалардың ден қоюы қуанта түседі.     Сәуір айында Талдықорған қаласында тоғызқұмалақтан жасөспірімдердің облыстық жекелей чемпионаты болып өтті. Оған ауданымыздағы Бөлексаз орта мектебінің оқушылары қатысып қайтты. Осынау жарысқа 8-9 жас аралығында Әсет Ермекұлы қатысып, тоғызқұмалақтың классика түрінен ІІ орынды, ропед түрінен ІІІ орынды, блиц түрінен ІІІ орынды еншілеп, жалпы 2 орыннан көрінді. Сөйтіп, маусым айында Павлодар қаласында өтетін Қазақстан Республикасының біріншілігіне жолдама алды.    Осы орайда ғасырдан ғасырға, атадан балаға мирас болып келе жатқан қазақтың ұлттық ойындарының ішіндегі ақыл-ойды дамытатын осындай ойынды жалғастырып жүрген, тоғызқұмалақ ойынының жаттықтырушысы, ҚР спорт шебері Мұсаева Күлсін Қызайбекқызының атына жылы лебіз білдірген артық емес.