Ғасыр бойы қалыптасқан ана мектебінің маңызы
Өскенде сөзінде тұратын, уәдесіне берік, елінің ертеңін ойлайтын бабаларымыз да бесік жыры мен әженің әлдиін тыңдап дара тұлғаға айналғаны бекер емес. Ата-ана ақылынан нәр алған, ұлы дала ойшылдарының аманаттап кеткен сөз қадіріне жете түсінетін ұрпақ етіп тәрбиелеудің бір жауапкершілігінің жүгі анада болғандықтан, құрылған республикалық Аналар кеңесінің атқарар ісі ауқымды. Аналар Кеңесінің мақсаты, ережесі, тұжырымдамасы айқындалған. Тот басқан темірдің қадірі болмайтын сияқты, аналар түрлі шара, кеңестермен ұрпақтың жұдырықтай жүректерін қарайтпай, қасиетін қашырмауды ойлайды. Сол мақсатта 2014 жылы біріккен екі ауданның Райымбек аудандық аналар кеңесі, 2018 жылы бөлінген Кеген аудандық «Аналар кеңесі» құрылды, 12 округтегі аналар кеңесі 112 мүшелерімен шараларын жастар орталығы, заң, білім, денсаулық бөлімдерімен біріге отырып жұмыстар жүргізеді.
Отбасы бірлігін арттыруда «Мерейлі отбасы», «Атам, әжем және мен», «Мен әжеммен мақтанамын», «Өнегелі келін» байқаулары мен спорттық шаралары өткізіледі. Оқушылармен «Дені сау ұрпақ- ұлт саулығы», «Қыз болашақ ана» жобалары бойынша дәрігерлермен, сөс қызметкерлерімен кездесулер ұйыдастырылады. 2023-2024 жылдары аналарымыз Қарқара жайлауында облыс, республика деңгейінде өткен «Қымызмұрындық» фестивалінде ұлттық дәстүрлер киіз басу, алаша тоқу, сүт, нан өнімдерін дайындау, жүн түтіп, иіруден шеберлік сағаттарын көрсетті.
«Аналар кеңесі» құрылғанынан бастап аудандық «Отбасы мектебі» жобасының 6 бағытымен, 2022 жылдан Қасым-Жомарт Кемелұлы Тоқаев ұсынған республикалық «Мәдениетті ана-мәдениетті ұлт» жобасының 4 бағытымен, биылғы жылдан осы жоба аясында зиянды әрекеттерден сақтану, алдын алуды жүзеге асыруда «Салауытты сана» жобасының 5 кеселден арылу бағытындағы жұмыстар іске асырылуда.Кеңесте отбасылық қиындылықтарды шешуде көмек көрсетіліп, оң нәтижеге жету мәселелері талқыланады.Заң қызметкерлері мен құқығын сақтау, білу мақсатында кездесулер өткізіліп, түсіндірме жүргізілді.
Ана еңбегін дәріптеу, үлгі ету мақсатында «Ұлы дала аналары» рубрикасымен еңбегі ерен, елге сыйлы, еліне қызмет етер азамат тәрбиелеп, өсірген, ұзақ жасау үлгісін көрсеткен, өнегелі отбасының аналарымен кездесу кештері өткізілді «Еңбегімен ел таныр», «Туған жерге тағзым», «Ісің бізге үлгі», «Ұлы дала аналары, кеше, бүгін ертең» айдарымен түрлі саладағы еңбек ардагерлері дәріптелуде. Шағын елді мекендерде «Көше төрайымдары» сайланып отбасылық шарада ауданның іс-тәжірбиесі, Бөлексаз ауылдық округі аналар кеңесінің жұмысы таратылды. Барлық ауылдық округтерде құрылған «Әжелер ансамблі» түрлі шараларда өнерлерін көрсетуде. Облыстық «Үлгілі әке» форумында ауданның ақыны, режиссер, көп балалы отбасының иесі Нұрбақыт Аршын «Үлгілі әке» төсбелгісіне ие болды. 2023 жылы республикалық Аналар кеңесінің төрағасы Шанаи Назипа Ыдырысқызы қатысқан форумда аудандық Аналар кеңесінің жұмысы жоғары бағаланды. Әр жылдың аяғында округ аналар кеңесінің жұмыстары қорытындыланып, ауыспалы кубок тапсырылады.Озық істермен дараланған аналар кеңесі төрайымдары аудан, облыс әкімінің марапатына ие болып келеді.
Аналар кеңесі жұмысының өз деңгейінде атқарылуы аудан әкімдігінің қолдауы бөлім басшылырының, ауылдық округ әкімдерінің түсіністік пен көмегі деп білеміз. Аудандық, облыстық баспасөз бетінде жариялап отырады «Жетісу» телеарнасындада кеңес жұмыстары көрсетілуде.
Сонымен бірге, әр ауылдық округ Аналар кеңесінің төрайымдары, кеңес мүшелерінің өз жұмыстарын жауапкешілікпен атқаруы, келешек ұрпақ үшін, мемлекеттің бөлшегі- отбасының ұлттық құндылықтың сақталуы үшін маңызды екенін көрсетеді.
Бақытгүл КӨнеева,
Кеген ауданының Аналар Кеңесінің төрайымы.
