Бұған дейін мемлекеттік көрсетілетін қызметтердің сапасын және қызмет алушылардың қанағаттану деңгейін арттыру мақсатында Қазақстан Республикасының Мемлекеттік қызмет істері агенттігінің Алматы облысы бойынша департаментінің бастамасымен Алматы облысы әкімі аппаратының басшысы Сәрсембаевтың Т.К. төрағалығымен жиналыс өткізілген болатын. Жиналыс қорытындысы бойынша облыстың жергілікті атқарушы органдарына мемлекеттік қызметшілер арасында ҚР Президенті жанындағы Мемлекеттік басқару академиясының облыстық филиалымен бірлесіп мемлекеттік қызмет көрсету саласында оқыту семинарын өткізусияқты бірқатар нақты тапсырмалар берілген болатын. Аталған тапсырманы орындау мақсатында ағымдағы жылдың 9-24 қараша аралығында Қазақстан Республикасы Президентінің жанындағы Мемлекеттік басқару академиясының Алматы облысы бойынша филиалында облыстың жергілікті атқарушы органдарының мемлекеттік қызметшілері, атап айтқанда мемлекеттік қызмет көрсету үдерісіне тартылған бейіні бойынша мамандар үшін қосымша онлайн оқыту курстары (мемлекеттік қызметшілерді қайта даярлау және олардың біліктілігін арттыру курстарынан басқа) өткізілді. Оқытудың негізгі мақсаты мемлекеттік қызметшілердің мемлекеттік қызмет көрсету кезінде тиімді коммуникация дағдыларының деңгейін арттыру мен тәжірбие алмасу болып табылады. Оқыту «Жер қатынастары, білім беру, сәулет және қала құрылысы, әлеуметтік қамтамасыз ету, тұрғын үй-коммуналдық шаруашылық салаларында мемлекеттік қызметтерді көрсету кезінде заңнаманы сақтау», «Қызметті тұтынушыға және оны хабарландыруға бағдарлану», «Коммуникациялық менеджмент», «Жанжалдарды шешу және стресске орнықтылық» тақырыптарында жүргізілді.Өткізілген онлайн курстардың қорытындысы бойынша, өткен 109 мемлекеттік қызметшілерге арнайы сертификат табысталды.
ҚР Мемлекеттік қызмет
істері агенттігінің Алматы облысы
бойынша департаментінің
бас маманы Ж. Кальпебаева
