КІТАП ОҚИТЫН ҰЛТ – ҰЛТ БОЛАШАҒЫНЫҢ КЕПІЛІ

Кітап – адамзаттың ғасырлар бойы жинақтаған асыл мұрасы, білім мен тәрбиенің сарқылмас бұлағы. Кітап оқу – тек бос уақытты тиімді өткізу ғана емес, адамның рухани дүниесін байытып, ой-өрісін кеңейтетін маңызды құрал. Кітап арқылы адам өткен тарихты танып, бүгінгі өмірді түсініп, болашаққа деген көзқарасын қалыптастырады.
Қазіргі ақпараттық технологиялар қарқынды дамыған заманда кітап оқудың маңызы бұрынғыдан да арта түсті. Әлеуметтік желілер мен түрлі ақпарат көздері көбейгенімен, кітаптың адам өміріндегі орны ерекше. Себебі кітап адамды терең ойлауға, ізденуге, салыстыруға және өз ойын еркін жеткізуге үйретеді. Көркем әдеби шығармалар арқылы оқырман адамгершілік, адалдық, мейірімділік, отансүйгіштік сияқты асыл қасиеттерді бойына сіңіреді.
Қарабұлақ ауылдық кітапханасының
кітапханашысы Жүнісбай Д.









