ТАЗАЛЫҚ– ОРТАҚ МӘДЕНИЕТ

«Таза Қазақстан» республикалық экологиялық акциясы аясында Кеген ауданында кезекті «Таза бейсенбі» шарасы ұйымдастырылды. Игі бастамаға аудан әкімінің орынбасары Кеңес Күнесбайұлы Қабылбеков, мекеме басшылары, мемлекеттік қызметкерлер, еріктілер және аудан тұрғындары белсене қатысып, туған өлкенің тазалығы мен көркеюіне өз үлестерін қосты.
Экологиялық шара барысында Кеген ауылының Смағұлов көшесінде тазалық жұмыстары жүргізілді. Қатысушылар көше бойын қоқыстан тазартып, айналаны ретке келтіріп, елді мекеннің ажарын ашуға атсалысты.
Сенбілік барысында аудан әкімінің орынбасары Кеңес Күнесбайұлы сөз сөйлеп, қоршаған ортаның тазалығы– өңірдің келбеті мен тұрғындардың мәдениетінің айқын көрсеткіші екенін атап өтті.
Сондай-ақ аудан әкімінің орынбасары экологиялық бағыттағы жұмыстар аудан көлемінде тұрақты түрде жалғасатынын жеткізді. Әрбір тұрғынды туған жердің тазалығына жауапкершілікпен қарап, қоршаған ортаны қорғауға өз үлесін қосуға шақырды.
«Таза бейсенбі» шарасы – тұрғындардың ортақ іске жұмылып, туған өлкенің ажарын арттыру жолындағы игі қадамдарының бірі. Таза көше, көрікті ауыл, көркейген өңір – ең алдымен сол жерде өмір сүріп жатқан халықтың мәдениеті мен ынтымағына байланысты.