ҚҰРЫЛТАЙ – ХАЛЫҚ ҮНІ, ЕЛ МҮДДЕСІ
ҚҰРЫЛТАЙ – ХАЛЫҚ ҮНІ, ЕЛ МҮДДЕСІ
Ел болашағы – әр азаматтың бүгінгі таңдауы мен жауапкершілігінен басталады. Қоғамдық-саяси өмірдегі маңызды үдерістердің бірі – Құрылтай депутаттарын сайлау. Бұл – халықтың өз таңдауын білдіріп, ел дамуына үлес қосатын азаматтарға сенім артуының маңызды кезеңі.
Құрылтай – елдің қоғамдық өміріндегі өзекті мәселелер талқыланып, халықтың талап-тілегі мен ұсыныстары сараланатын маңызды алаң. Сондықтан Құрылтай депутаттарын таңдау – үлкен жауапкершілікті талап ететін іс.
Депутат болу – мәртебе ғана емес, халықтың аманатын арқалау. Ел сеніміне ие болған азамат қоғамның көкейіндегі мәселелерді көтеріп, олардың шешілуіне атсалысып, мемлекет пен халық арасындағы байланысты нығайтуға үлес қосуы қажет. Бұл ретте әр үміткердің білімі, тәжірибесі, іскерлігі, азаматтық ұстанымы мен ел алдындағы жауапкершілігі маңызды.
Қоғамның дамуы тек мемлекеттік органдардың жұмысына емес, азаматтардың белсенділігіне де байланысты. Өз таңдауына жауапкершілікпен қараған азамат ел болашағына бейжай қарамайды. Сондықтан сайлауға қатысу – азаматтық құқықпен қатар, ел алдындағы жауапкершіліктің де бір көрінісі.
Бүгінгі таңда қоғамға әділеттілік, ашықтық, өзара сенім және нақты іске ұмтылыс қажет. Халықтың сеніміне ие болған өкілдер осы құндылықтарды басшылыққа алып, ел игілігі үшін қызмет етуі тиіс.
Бірлігіміз бекем, мақсатымыз айқын болса, алынбайтын асу жоқ. Құрылтай сайлауы – елдің ертеңіне деген ортақ жауапкершілігімізді танытатын маңызды қадам. Саналы таңдау жасап, мемлекетіміздің жарқын болашағына бірге үлес қосайық!
А. Ердесбай
Алматы облысының “Тіл” оқу-әдістемелік орталығы коммуналдық мемлекеттік мекемесінің Кеген аудандық филиалының оқытушысы.
