Құрылтай сайлауына дайындық: Кеген ауданында ақпараттандыру жұмыстары жүргізілуде
Құрылтай сайлауына дайындық: Кеген ауданында ақпараттандыру жұмыстары жүргізілуде
Кеген ауданында 23 тамызда өтетін Құрылтай депутаттарын сайлауға дайындық жұмыстары жоспарға сәйкес жүргізілуде. Қазіргі таңда тұрғындарға сайлау үдерісі туралы жан-жақты ақпарат беру, азаматтардың белсенділігін арттыру және сайлаудың ашықтығын қамтамасыз ету бағытында ақпараттық-түсіндіру жұмыстары ұйымдастырылуда.
Аудан аумағында Құрылтай сайлауына қатысты ақпараттық материалдар көрнекі орындарға орналастырылып, тұрғындардың назарына ұсынылуда. Елді мекендердегі ақпараттық тақталар мен басқа да көрнекі құралдар арқылы сайлау туралы қажетті мәліметтер жеткізілуде.
Сонымен қатар Құрылтай сайлауының маңызы, дауыс беру тәртібі және азаматтардың сайлау процесіне қатысу мүмкіндіктері туралы түсіндіру жұмыстары жүргізілуде.
Сайлау науқанына қатысты ақпараттар аудан әкімдігінің ресми интернет-ресурсында, әлеуметтік желілерде, бұқаралық ақпарат құралдарында және басқа да ақпараттық алаңдарда тұрақты түрде жарияланып келеді.
Ақпараттық қамтуды арттыру мақсатында жергілікті ақпараттық парақшалармен және бұқаралық ақпарат құралдарымен бірлескен жұмыстар да жолға қойылған. Құрылтай сайлауына арналған ақпараттық және бейнематериалдар тұрғындардың назарына ұсынылуда.
Сайлауды ақпараттық сүйемелдеуді тиімді ұйымдастыру мақсатында жауапты мамандар мен тиісті қызметтердің өзара іс-қимылы қамтамасыз етілуде. Негізгі міндет – тұрғындарға сайлау науқаны туралы ресми әрі объективті ақпаратты уақтылы жеткізу және азаматтардың қажетті мәліметтерге қолжетімділігін қамтамасыз ету.
Бұдан бөлек, халық көп шоғырланатын орындарда да ақпараттық-түсіндіру жұмыстары жүргізілуде. Көрнекі материалдар мен бейнероликтер арқылы тұрғындардың Құрылтай сайлауы туралы хабардарлығы арттырылуда.
Жүргізіліп жатқан жұмыстардың барлығы – тұрғындарға сайлау туралы толық әрі нақты ақпарат жеткізуге, азаматтардың сайлау процесіне қызығушылығын арттыруға және сайлау науқанының ашықтығын қамтамасыз етуге бағытталған.
Кеген ауданында Құрылтай сайлауына дайындық және ақпараттық-түсіндіру жұмыстары белгіленген жоспарға сәйкес жалғасуда.
