Мен Құрылтай сайлауын елдің бірлігі мен болашағына бағытталған маңызды қоғамдық-саяси қадам деп бағалаймын

Мен Құрылтай сайлауын елдің бірлігі мен болашағына бағытталған маңызды қоғамдық-саяси қадам деп бағалаймын. Халқымыз қашанда ақылдасып, кеңесе отырып маңызды шешім қабылдаған. Құрылтай да сол игі дәстүрдің жалғасы ретінде қоғамдағы өзекті мәселелерді талқылап, елдің дамуына бағыт-бағдар беретін маңызды алаң деп есептеймін.

Біз, аға буын өкілдері, ең алдымен ел ішіндегі татулықтың, ынтымақтың және ұлттық құндылықтардың сақталуына ерекше мән береміз. Кейінгі ұрпақтың білімді, еңбекқор, елін сүйетін азамат болып қалыптасуы – баршамыздың ортақ мақсатымыз. Сондықтан Құрылтай құрамына халықтың сеніміне ие, елдің қамын ойлайтын, тәжірибесі мен парасаты мол азаматтардың сайлануы маңызды.

Еліміздің берекесі – бірлікте, болашағы – ауызбіршілікте. Сондықтан әрбір азаматты Құрылтай сайлауына жауапкершілікпен қарап, белсенді қатысуға шақырамын. Бірлігіміз бекем, ынтымағымыз жарасқан жағдайда ғана Қазақстанымыздың өсіп-өркендеуі жалғаса береді деп сенемін.

Есімбаев Рахым