Мен Құрылтай сайлауына үлкен мән беремін

Мен Құрылтай сайлауына үлкен мән беремін. Бұл – елдің ертеңіне қатысты маңызды мәселелер талқыланатын, халықтың үнін жеткізетін жауапты кезең. Мұндай игі бастамалар елдің ынтымағын нығайтып, ортақ мақсатқа жұмылуға жол ашады деп сенемін.

Біз аға буын өкілдері әрдайым бірлік пен татулықты, әділдік пен жауапкершілікті жоғары қоямыз. Кейінгі ұрпаққа берер ең үлкен аманатымыз – бейбіт ел мен тұрақты қоғам. Сондықтан Құрылтай құрамына халықтың сеніміне ие, елдің мүддесін бәрінен биік қоятын, парасатты азаматтардың сайлануы маңызды деп есептеймін.

Еліміздің болашағы – баршамыздың ортақ жауапкершілігіміз. Сондықтан әр азамат бұл маңызды қоғамдық-саяси үдеріске бейжай қарамай, өз таңдауын жауапкершілікпен жасауы қажет. Бірлігіміз нығайып, еліміздің өсіп-өркендеуі жолындағы игі бастамалар жалғасын таба береді деп сенемін.

Тазабеков Едіге