Құрылтай сайлауын еліміздің болашағына тікелей қатысы бар маңызды қоғамдық-саяси үдеріс деп санаймын
Құрылтай сайлауын еліміздің болашағына тікелей қатысы бар маңызды қоғамдық-саяси үдеріс деп санаймын. Бұл – әрбір азаматтың үнін естіртіп, қоғамдағы өзекті мәселелерді ортақ талқылауға мүмкіндік беретін маңызды алаң. Сондықтан мұндай науқанға бейжай қарамай, белсенділік таныту әрқайсымыздың азаматтық жауапкершілігіміз деп ойлаймын.
Еліміздің дамуы тек мемлекеттік органдарға ғана емес, қоғамның белсенділігіне де байланысты. Халықтың ұсыныстары мен пікірлері ескеріліп, өңірлердегі өзекті мәселелер көтерілсе, бұл елдің одан әрі өркендеуіне оң әсерін тигізеді. Осындай маңызды бастамалардың жүзеге асуына Құрылтайдың қосар үлесі зор деп есептеймін.
Мен Қазақстанның болашағына сенемін. Тұрақтылықты, бірлікті және қоғамдық келісімді сақтау – бәрімізге ортақ міндет. Сондықтан әрбір азаматты Құрылтай сайлауына жауапкершілікпен қарап, өз таңдауын саналы түрде жасауға шақырамын. Елдің ертеңі – әрқайсымыздың белсенділігіміз бен ортақ жауапкершілігімізге байланысты.
Біржансалова Тоғжан
