Мен Құрылтай сайлауын еліміздің қоғамдық-саяси өміріндегі маңызды оқиға деп бағалаймын

Мен Құрылтай сайлауын еліміздің қоғамдық-саяси өміріндегі маңызды оқиға деп бағалаймын. Бұл – халықтың үнін тыңдап, елдің дамуына қатысты маңызды мәселелерді ортақ талқылауға мүмкіндік беретін жауапты үдеріс. Сондықтан Құрылтай құрамына елдің мүддесін жоғары қоятын, халықтың сеніміне ие, тәжірибелі әрі жауапты азаматтардың сайлануы маңызды деп есептеймін.

Ардагерлер үшін елдің бірлігі, қоғамдағы тұрақтылық, жастар тәрбиесі мен ұлттық құндылықтарды сақтау – әрдайым басты орында. Біз кейінгі ұрпақтың білімді, еңбекқор, отансүйгіш болып қалыптасуына ерекше мән береміз. Осы бағыттағы мәселелердің Құрылтайда кеңінен талқыланып, нақты шешімдер қабылдануы елдің болашағына оң ықпал етеді деп сенемін.

Бүгінгі бейбіт өмір мен тұрақтылық – үлкен еңбектің нәтижесі. Оны сақтау және нығайту – баршамыздың ортақ міндетіміз. Сондықтан аудан тұрғындарын Құрылтай сайлауына белсенді қатысып, елдің ертеңі үшін саналы таңдау жасауға шақырамын. Бірлігі бекем, ынтымағы жарасқан Қазақстанның дамуына әр азамат өз үлесін қосуы тиіс деп есептеймін.

Тұрсынов Шыңғыс