Мен Құрылтай сайлауына үлкен жауапкершілікпен қараймын

Мен Құрылтай сайлауына үлкен жауапкершілікпен қараймын. Себебі бұл – елдің болашағына қатысты маңызды мәселелер талқыланатын, қоғамның әр саласының пікірін тоғыстыратын маңызды алаң. Осындай игі бастамалар халықтың бірлігін нығайтып, ортақ мақсаттарға жұмылуға ықпал етеді деп сенемін.

Біз, аналар, ең алдымен балаларымыздың жарқын болашағын, қоғамдағы тұрақтылық пен татулықты қалаймыз. Сондықтан отбасы институтын нығайту, жастар тәрбиесі, ұлттық құндылықтарды сақтау және қоғамдық келісімді дамыту бағытындағы бастамалардың әрдайым қолдау табуы маңызды. Бұл – тек бір ұйымның емес, барша қоғамның ортақ міндеті.

Құрылтай – халық пен мемлекет арасындағы өзара сенімді нығайтатын маңызды тетік. Сондықтан әрбір азамат бұл маңызды қоғамдық-саяси үдеріске бейжай қарамай, өз таңдауына жауапкершілікпен қарауы қажет. Еліміздің бірлігі мен берекесін сақтап, келер ұрпаққа қуатты Қазақстанды аманат ету – баршамыздың ортақ парызымыз.

Батырханова Роза