Жаңа оқу жылы– жаңа белестер бастауы

Сыңғырла, сыңғырла тағы да,
Шақыра білімнің бағына.
Қоңырау әсем саз, әдемі,
Мектептің сүйікті әуені.

Жаңа оқу жылының басталуына санаулы күндер қалды. Дәстүр бойынша 1 қыркүйек күні ауданның барлық білім беру ұйымдарында алғашқы қоңырау соғылып, жаңа оқу жылына арналған салтанатты жиындар өтеді.
Бұл күн – әсіресе мектеп табалдырығын алғаш аттаған бүлдіршіндер үшін ерекше мереке. Ұстаздар мен ата-аналар бүлдіршіндерге ақ жол тілеп, білім әлеміне жасаған алғашқы қадамдарына сәттілік тілек білдіреді. Ал жоғары сынып оқушылары үшін жаңа оқу жылы – білімін тереңдетіп, алға қойған мақсаттарына ұмтылатын маңызды кезең.
Жаңа оқу жылында білім сапасын арттыру, оқушылардың шығармашылық және зияткерлік қабілеттерін дамыту, олардың қауіпсіздігі мен сапалы білім алуына қолайлы жағдай жасау бағытындағы жұмыстар жалғасын табады.
Алғашқы қоңырау – мектеп өміріндегі жаңа бастамалардың белгісі. Барша оқушыға жаңа оқу жылында толағай табыс, ұстаздарға шығармашылық жетістік, ата-аналарға береке мен қуаныш тілейміз!