Жаңа Конституция – әр азаматқа қатысты маңызды құжат

Жаңа Конституция – әр азаматқа қатысты маңызды құжат

Конституцияны тек заңгерлер немесе мемлекеттік қызметшілер білуі керек деген түсінік дұрыс емес деп ойлаймын. Өйткені Конституция – ең алдымен, әр азаматтың құқықтары мен міндеттерін айқындайтын Негізгі заң.

2026 жылғы 1 шілдеден бастап Қазақстан Республикасының жаңа Конституциясы күшіне енді. Жаңа Ата Заңда адамның құқықтары мен бостандықтарын қорғауға, заң үстемдігіне, мемлекеттік органдардың жауапкершілігіне және азаматтардың мемлекет ісіне қатысуына ерекше мән берілген.

Маған ерекше назар аударуға тұрарлық тұстардың бірі – адамның құқықтары мен бостандықтарының жоғары құндылық ретінде бекітілуі.

Сонымен қатар жаңа Конституцияда білім, ғылым, инновация, адами капиталды дамыту, цифрлық құқықтарды қорғау және қоршаған ортаға жауапкершілік сияқты қазіргі қоғам үшін маңызды бағыттар да конституциялық деңгейде белгіленген.

Менің ойымша, Конституцияны насихаттаудың ең тиімді жолдарының бірі – оның әр бабын қарапайым тілмен түсініп, күнделікті өмірмен байланыстыра білу.

Конституцияны білу – өз құқығыңды білу.

Өз құқығыңды білу – өзіңді қорғаудың маңызды қадамы.

Әр азамат жаңа Ата Заңның мазмұнымен танысып, өзіне қатысты нормаларды білгені дұрыс.