Соңғы күндері жаңа Конституция туралы ақпараттарды оқып, өзіме қатысты тұстарына назар аударып жүрмін

Соңғы күндері жаңа Конституция туралы ақпараттарды оқып, өзіме қатысты тұстарына назар аударып жүрмін.

Менің ойымша, Конституцияны білу әр азаматқа қажет. Себебі онда адамның құқықтары ғана емес, қоғам мен мемлекет алдындағы жауапкершілігі де қамтылған.

Кейде заңдағы баптарды күрделі деп қабылдаймыз. Ал шын мәнінде, оның көптеген нормасы күнделікті өмірімізбен тікелей байланысты: білім алу, еңбек ету, өз құқығыңды қорғау, заң алдында тең болу, қоршаған ортаны сақтау және тағы басқа.

Сондықтан жаңа Конституцияны тек қабылданған маңызды құжат ретінде емес, өз құқықтарымыз бен міндеттерімізді түсінуге мүмкіндік беретін негізгі заң ретінде танып-білу маңызды деп санаймын.

Әр адам өзіне қатысты баптарды оқып, мағынасын түсінсе, қоғамдағы құқықтық сауаттылық та арта түседі.

Конституцияны білу – өз құқығыңа жауапкершілікпен қараудан басталады. 🇰🇿

Дәмен Айғаным