Қымызмұрындық – 2026

Қымызмұрындық – қазақ халқының ежелден келе жатқан ұлттық
дәстүрлерінің бірі. Бұл – көктемнің соңы мен жаздың басында бие байлап, алғашқы қымыз дайын болған кезде ұйымдастырылатын мерекелік басқосу.
Қымызмұрындықтың негізгі мақсаты – ағайын-туыс, көрші-қолаңды шақырып, жаңа қымыздан ауыз тигізіп, ақ дастарқан басында ақжарма тілек айту. Қазақ халқы қымызды тек сусын ғана емес, денсаулықтың, береке мен молшылықтың нышаны деп бағалаған.
Мереке барысында ұлттық тағамдар ұсынылып, ән мен күй шырқалып, ақындар айтысы, ұлттық ойындар мен бәйге, көкпар, арқан тарту,
қазақ күресі секілді жарыстар ұйымдастырылған. Бұл дәстүр халықтың
ауызбіршілігін нығайтып, жастарды ұлттық құндылықтарды
құрметтеуге тәрбиелеген.
Қымызмұрындық – табиғаттың жаңаруы мен төрт түліктің өсіп-өнген кезеңіне арналған қуаныштың көрінісі. Ол – еңбектің берекесін дәріптеп, қонақжайлық пен кеңпейілдікті насихаттайтын, ұлттың рухани
мұрасын айқындайтын тағылымды дәстүр.
Жылма-жыл дәстүрге айналған Қымызмұрындық мерекесі кереге
таулы Кеген өңірінде жаңғырып, этнофестиваль түрінде кең көлемде аталып өтуде. Жыл сайын келушілердің қарасы артып, ұлттық
дәстүрімізді дәріптеуде озықтық танытуда. Бұл – ұлттық салт-
дәстүрді ұлықтап, жас ұрпақтың бойына ата-баба мұрасын сіңіруге бағытталған маңызды мәдени шаралардың бірі де бірегейі. Биыл да өз
салтынан айнымаған берекелі өлкемізде мереке салтанат құрмақ. Кешегі бабалар салған сара жолдың түп негізін паш етіп, елдігіміздің іргесін
бекемдемек дәстүр салтымыз биыл жайлау төрінде ұлықталмақ!