Құрылтай сайлауын еліміздің қоғамдық-саяси өміріндегі маңызды оқиға деп қабылдаймын

Құрылтай сайлауын еліміздің қоғамдық-саяси өміріндегі маңызды оқиға деп қабылдаймын. Бұл – қоғамдағы өзекті мәселелерді талқылап, елдің дамуына үлес қосатын азаматтарды айқындайтын жауапты кезең. Сондықтан әрбір жас бұл үдеріске бейжай қарамай, азаматтық белсенділік танытуы қажет деп есептеймін.
Бүгінгі таңда жастардың білім алуы, жұмыспен қамтылуы, кәсіпкерлікпен айналысуы, қоғамдық бастамаларға қатысуы мен өзін-өзі дамытуына барлық жағдай жасалуда. Осындай маңызды бағыттардың одан әрі дамуына Құрылтай жұмысы да өз үлесін қосады деп сенемін. Жастардың пікірі мен ұсыныстары ескеріліп, жаңа бастамалар қолдау тапса, бұл еліміздің болашағына оң ықпал етеді.
Біз Қазақстанның жарқын болашағы үшін білім алып, еңбек етіп, қоғамның дамуына үлес қосуға әрдайым дайынбыз. Сондықтан барша жастарды Құрылтай сайлауына жауапкершілікпен қарап, белсенділік танытуға шақырамын. Өйткені еліміздің ертеңі – біздің қолымызда. Бірлігі бекем, болашағы жарқын Қазақстанды бірге құру – бәріміздің ортақ мақсатымыз.
Мерғалиұлы Асылан