Құрылтай сайлауы

Құрылтай сайлауы – қоғамның түрлі пікірін тоғыстырып, елдің болашағына қатысты маңызды мәселелерді ақылдаса отырып талқылауға мүмкіндік беретін маңызды қадам. Сондықтан бұл үдеріске үлкен жауапкершілікпен қарауымыз қажет.

Қазақ халқы «Кеңесіп пішкен тон келте болмайды» дейді. Елдік мәселелерді көп болып ақылдасып шешу – ата-бабамыздан келе жатқан дәстүр. Осы тұрғыдан алғанда, Құрылтай халық пен мемлекет арасындағы өзара түсіністікті нығайтып, елдің игілігіне қызмет ететін маңызды институт деп санаймын.

Біз кейінгі ұрпаққа бейбіт өмірді, ынтымақ пен бірлікті аманат етуіміз керек. Сондықтан барша азаматтарды Құрылтай сайлауына белсенді қатысып, елдің болашағы үшін саналы таңдау жасауға шақырамын. Татулығы жарасқан, бірлігі бекем елдің ғана келешегі кемел болады.

Төлепбердиев Қуанышбек