ІЛЕ АУДАНЫНДА «QASYNDAMYN» ФОРУМЫ ӨТТІ

ІЛЕ АУДАНЫНДА «QASYNDAMYN» ФОРУМЫ ӨТТІ

2026 жылғы 2 қараша күні Іле ауданы, Өтеген батыр ауылындағы Н. Тілендиев атындағы Мәдениет үйінде «QASYNDAMYN» форумы ұйымдастырылып, жоғары деңгейде өтті.

Форумның тақырыбы – «Бала жүрегіне жол: түсіну, сенім, қолдау».

Іс-шараның басты мақсаты – аналардың жасөспірім балаларын тереңірек түсінуіне, ата-ана мен бала арасындағы сенімді қарым-қатынасты нығайтуға, сондай-ақ баланың ішкі жан дүниесіндегі өзгерістерді дер кезінде байқап, оған қажетті қолдау көрсетуге ықпал ету.

Форумның арнайы қонағы әрі басты спикері – 12 жылдан астам тәжірибесі бар гештальт-психолог Лейла Мирас болды.

Кездесу барысында жасөспірім психологиясы, ата-ана мен бала арасындағы сенім, эмоционалдық қолдау және отбасындағы өзара түсіністік мәселелері кеңінен талқыланды.

Сонымен қатар, қатысушылар өздерін толғандырған сұрақтарын қойып, маманнан тұшымды жауаптар алып, тәжірибе алмасты.

Форум басында спикер Лейла Мирасқа Алматы облысының балалар құқықтарын қорғау басқармасының басшысы Дәулет Шайтұрсын атынан алғыс хат табысталды.

«QASYNDAMYN» форумы ата-ана мен бала арасындағы рухани байланысты нығайтуға, жасөспірімдердің жан дүниесін түсінуге және отбасындағы сенім мен қолдау құндылықтарын арттыруға бағытталған маңызды іс-шара болды.

Балаға ең керегі – оны түсіну, тыңдау және әрдайым қолдау көрсету!