Азаматтық қоғам өкілі ретінде Құрылтай сайлауын қоғам үшін маңызды саяси үдеріс деп бағалаймын
Азаматтық қоғам өкілі ретінде Құрылтай сайлауын қоғам үшін маңызды саяси үдеріс деп бағалаймын. Құрылтай – халықтың пікірін ескеріп, елдің өзекті мәселелерін талқылауға мүмкіндік беретін маңызды алаң. Сондықтан оның құрамына қоғам мүддесін қорғайтын, жауапкершілігі жоғары, белсенді әрі тәжірибелі азаматтардың сайлануы маңызды деп санаймын.
Бүгінде азаматтық қоғамның рөлі артып келеді. Халықтың ұсыныстары мен бастамалары назарға алынып, маңызды шешімдер қабылданса, еліміздің дамуына оң әсерін тигізеді. Құрылтай жұмысы да қоғам мен мемлекет арасындағы өзара байланысты нығайтуға, ел бірлігін сақтауға және ортақ мақсаттарға қол жеткізуге ықпал етеді деп сенемін.
Әрбір азаматты бұл маңызды науқанға белсенді қатысып, өз таңдауына жауапкершілікпен қарауға шақырамын. Елдің болашағы – баршамызға ортақ жауапкершілік.
Жанбабаева Шолпан Ілікқызы
