Манап Назым
Манап Назым Нұрболқызы 2008 жылдың 31 шілдесінде Алматы облысы, Еңбекшіқазақ ауданы, Түрген ауылында дүниеге келген. Білім жолын Абыхан Жексембеков атындағы орта мектептен бастап, бүгінде Есік гуманитарлық-экономикалық колледжінде білімін жалғастыруда. Қазіргі уақытта аталған колледждің 2-курс студенті, “Қазақ тілі мен әдебиеті пәні мұғалімі” біліктілігі бойынша оқиды.
Назым – белсенді, көпшіл, ортасына тез сіңісетін, қоғамдық іс-шараларға жиі атсалысатын студент. Колледж ішіндегі түрлі жиындар мен жастар ұйымдарында белсенді қызмет атқарып, білім ошағының қоғамдық өміріне үлес қосып жүр. Ол “Бойтұмар” дебат клубының тұрақты мүшесі ретінде интеллектуалдық ойындар, түрлі тақырыптағы ой қозғау кездесулері мен көріністер ұйымдастыруда ерекше белсенділік танытып келеді.
2024 жылы Қонаев қаласында өткен мерекелік жиын барысында Елжанды патриот академиясының мүшелігіне қабылданып, “Жас патриот” төсбелгісімен марапатталды. Академия аясында елге танымал тұлғалармен кездесіп, сұхбат жүргізуге қатысқан.
2025 жылы Қазақстан Республикасы колледждерінің «Top 100 студенті» байқауына қатысып, «Qazaq life: ұлттық болмыс — заманауи форматта» атты жеке жобасын сәтті қорғап, үздік студенттер қатарынан көрінді. Осы жетістігімен Астана қаласында өткен марапаттау рәсіміне қатысып, ҚР Оқу-ағарту министрі Ғани Бейсембаевтың қолынан марапат алды.
Манап Назым – болашағынан зор үміт күттіретін, ұлт болмысы мен білім саласына үлес қоса алатын, дарынды жастардың бірі.
