Кеген ауданының әкімі азаматтарды қабылдады
Кеген ауданының әкімі азаматтарды қабылдады
«AMANAT» партиясы Кеген аудандық филиалы жанындағы қоғамдық қабылдау бөлмесінде Кеген ауданының әкімі тұрғындарды жеке мәселелері бойынша қабылдау өткізді. Қабылдауға аудан әкімінің орынбасарлары, тиісті сала басшылары және партия өкілдері қатысты.
Қабылдауға келген азаматтар тұрғын үй мәселесі, ауыз су жүйесінің тұрақтылығы, мектептердің күрделі жөндеуден өтуі, жайылымдық және шабындық жерлердің қолжетімділігі, сондай-ақ кәсіпкерлерге берілетін қайтарымсыз гранттар жөнінде сұрақтарын қойды.
Әкім әрбір азаматтың өтінішін мұқият тыңдап, жауапты сала басшыларына нақты тапсырмалар берді. Әлеуметтік маңызы бар мәселелердің шешілуін бақылауда ұстайтынын атап өтті. Кейбір сұрақтар бойынша тұрғындарға түсіндіру жұмыстары жүргізілді, ал кейбірі заң аясында кезең-кезеңімен шешілетінін айтты.
Қоғамдық қабылдау – билік пен халық арасындағы диалогтың тиімді алаңы. Осындай кездесулер алдағы уақытта да жалғасады.
