Шолпанова Кулпара

Анықтама.

Алматы облысы, Кеген ауданы, Ұзынбұлақ ауылында Шортанова Кулпара Жуашқызы 103 жасқа толған әже. Алматы облысы, Ұйғыр ауданы, Шошанай ауылында кедей шаруаның жанұясында 1922 жылы 8 наурызда дүниеге келген. Жетінші сыныпты бітірген жылы Ұлы Отан соғысы басталады.

Кеген ауданы, Ұзынбұлақ ауылында тұратын мұғалім жігіт Шортанов Тақабайға тұрмысқа шығады. Бұл сұрапыл Ұлы Отан соғысының жүріп жатқан кезі еді. Көп ұзамай жолдасы да соғысқа аттанады.

Жұбайы Тақабай 1943 жылы сұрапыл соғыстан ауыр жараланып, елге оралады. Сол кезде аудан басшылары Кеген ауданы, Ақтасты мектебіне мұғалім және колхозға партия ұйымының секретары етіп жіберді. Шортанова Күлпара ерімен бірге осы салада еңбек етеді. Осылай еңбек ете жүріп 12 баланы өмірге әкеліп, тәрбиелеп шығарады. 7 ұл, 5 қызды аман-есен өсіріп, бәрін де отау етіп ұшырады. Осы ұл-қыздарынан тараған ұрпақтар ҚР әр саласында қызмет етуде: 10 ұстаз, 7 мемлекет қызметкері, 4 экономика, 4 дәрігер, 2 инженер, 4 архитектор, 5 жеке кәсіпкер, 1 журналист, 1 ғылым кандидаты, бірі қорғаныс саласында қызмет жасауда.

Шортанова Күлпара әже 1958 жылы “Ана даңқы ” орденімен, 1965 жылы “Батыр ана” медалдармен марапатталған. Өмірінде балаларын тәрбиелеу мен бірге жастарды да тәрбиелеуге белсене араласып келеді.

Алтын құрсақты Ана 39 немере, 73 шөбере, 7 шөпшек сүйіп отыр. Күлпара Әже «Азамат атын асқақтату-әйелдің ғана қолында» деген қағидадан бір сәтке де айнымапты.

Ұлы – Тақабаев Марат 1945 жылы, 13 қыркүйекте Кеген ауданы, Ақтасты ауылында дүниеге келген, 80 жасқа толып отыр. 1962 жылы Сарыжаз орта мектебін, 1970 жылы Алматы қаласындағы Абай атындағы мұғалімдер дайындайтын институтын, 1981 жылы Алматы зоотехникалық мал дәрігерлік институтын бітірген. 1966 жылдан 1968 жылға дейін Ұзынбұлақ асыл тұқымды қой совхозында бастауыш комсомол ұйымының секретары, 1968-1969 жылдары Ы.Көшкінов атындағы және Ақсай орта мектептерінде мұғалім. 1969-1971 жылдары Кеген аудандық комсомол комитетінің екінші секретары болып сайланған. 1971-1974 жылдары Кеген аудандық партия комитетінде нұсқаушы, 1974-1983 жылдары Ұзынбұлақ асыл тұқымды қой совхозында партия комитетінің секретары, 1983-1990 жылдары Кеген аудандық партия комитетінде екінші секретарь болып жұмыс атқарған. 1990-2008 жылдары аралығында Ұзынбұлақ ауылдық округінің әкімі жұмысын абыроймен атқарды. Бүгінгі таңда зейнеткерлікте.

Немересі – Тақабаев Олжас Маратұлы 15.04. 1974 жылы Ұзынбұлақ ауылында дүниеге келген. 1992 жылы М.Орманов атындағы орта мектепті бітірген. 1992-1997 жылы Әль-Фараби атындағы Қазақ ұлттық университетінің биология факультетін аяқтаған. 1997-2005 жылдары Ы.Көшкінов атындағы орта мектепте мұғалім, директордың тәрбие ісі жөніндегі орынбасары. 2005-2010 жылдары Ақсай орта мектебінде директор, 2010-2012 жылдары Ұзынбұлақ ауылдық округінің әкімі, 2012-2018 жылдары аудан әкімідігінің аппарат басшысы. Бүгінгі таңда Ұзынбұлақ ауылдық округінің әкімі.

Шөбересі – Тақабай Бейбіт 11.09. 1995 жылы Ұзынбұлақ ауылында дүниеге келген. Алматы Абай атындағы педагогоикалық университетін бітірген. Бүгінгі таңда Ы.Көшкінов атындағы орта мектепте алғашқы әскери дайындық пәні мұғалімі.

Шөпшегі – Бақтияр Марал 1.07.2005 жылы Ұзынбұлақ ауылында дүниеге келген. Алматы қаласында АГЕУ педагогикалық университетінің 2-ші курс студенті.

Кұлпара әженің отбасынан 6 қыркйек күні АЭС салу бойынша референдумға 15 жан дауыс беретін болады.