Көшпелі редакция Тасашы округінде

ТАРИХЫ ТЕРЕҢДЕ ЖАТҚАН бұл өлке

ҚОЙНАУЫ ТОЛҒАН ҚҰТ БЕРЕКЕ

Тасашыдан Таушелекке дейін созылып жатқан ақ қар басқан қарағайлы тауылары мен масатыдай құлпырған жасыл желегі еліміздің көптеген жерлерінен кездесе бермейтін жер жәннатының біріде, бірегейі, тұнған өлке деуге болады. Кеген ауданы теңіз деңгейімен салыстырғанда 2800 метр болса тау үстірті 3200 метрге жетеді. Ауасы таза, суы мөлдір кең байтақ даламызға тыныштық берсін деген тілеумен жүрген халықпыз.Аудан бойынша туризм бағыты дәл осы жылы өркен жайып, құлашын кеңге жайып келеді.
Ортамеркі, Мыңжылқы, Алғабас өзен бойлары, Мойнақ, Қайыңды, Көлсай көлдері, Шарын шатқалы тағы басқада көрікті жерлеріміз алдағы аз жылдарда толыққанды туризм аймағына айналады деп отырмыз. Аудан әкімінің жоспарыда осыны бағамдайды. Жерұйық Кеген өңірі төрт түліктің төрі аталса, тарихы тереңде жатқан Тасашы округін атауға болады. Қойнауы құт, шөбі шүйгін, сан ғасырлық тарихы бар Ақтасты өңірі, Тасашы, Шөладыр, Сарыкөл маңында елімізге керектің бәрі қуантады. Тарихын біліп зерделеп сырын ашудың саналық кілті кемшілік жасауда. Тау үстіртіндегі Ақтасты петроглифі, тастағы көне жазу, суы шипа арасаны, шығысында Үйсін ұрпағы мекен еткен көне қала орындарымен, бертін келе Албан ата өмір сүрген шұрайлы өңірде сүйегі жатқанын бірі білсе, біріміз біле бермейміз.
Шөладыр тауында ғасырға жетерлік ас тұзымен, тұзды батпағы қаншама жанның ауруына ем, деніне шипа болды десеңізші. Бұл өңірге құлағы түрік ғалымдар мен тарих зертеушілері қажет болып – ақ тұр. Қазіргі таңда Мыңжылқы өңірі төрт түлікке толып ата бабаларымыздан жалғасын тапқан салт- дәстүр екені белгілі. Үйір – үйір жылқы айдап жер атауы Мыңжылқы аталуы тегін емес.
Ат басын тіреген Тасашы округіне қарасты шөбі шүйгін, құнарлы жер жеке адамның қолына өтіп кетуі жүректі сыздатады. Өз жерімізде тұрып өзгенің иелігіне өткізіп жіберу әрине кезіндегі басшылардың үлкен қателігі деп айтуға болады. ҚАРҚАРА газетінің көшпелі редакциясы Тасашы округін аралап шаруалардың күнделікті тыныс тіршілігімен танысып, қуанарлық жағдаймен оралғанымызды жасырмаймыз. Ауыл әкімі Ерболат Төребаевпен Ақтасты ауылына ат басын тіредік. Ақтасты ауылындағы қолға алынған шаруалармен танысып, білім ордасына бас сұқтық. Ақтасты мектебіне биыл жүз жыл толыпты. Қаншама жан осы шағын мектептен білім алып, өмірге қанат қағып еліміздің сан қилы саласында еңбек етті десеңізші. Ғылым, білім, өнер, денсаулық және ауыл шаруашылығының өркендеуіне өз үлестерін қосты. Бір ғана шағын ауылдан бес Социялистік Еңбек Ері, бес батырдың шығуы тегін емес. Қазақ айтады «Әруақты жерден ат үркеді» дегендей қойнауы құт мекенде атқарылып жатқан шаруа шаш етектен деуге боларлық.Көше шамдары, күзге қарай аяқталатын тас жолдың асфальтталатынын әкімнің аузынан естідік. Ескіні жаңалап алған мәдениет үйі, ауласына қиыршық тас төселіп, тегістеліпті. Көз көрім жерде шағын жастар спорттық футбол алаңы, қатарында балалар ойын алаңы бой көтеріпті. Жастар бос уақытын спортпен айналысуына барлық жағдай жасалынғанын байқадық. Ақтасты киелі өңір екені даусыз. Тарихы көмескілене бастаған «Қурайлы» ауылында 1924 жылы алғашқы мектеп ашылып қаншама ұл – қызды білім нәрімен сусындатқан бұлақ көзі деуге болады. Мектепте жиырмадан астам мұғалім әр пән бойынша дәріс беруде. Деседе жүз жыл толған білім ошағына күрделі жөндеу қажет болып тұрғанын жасыра алмаймыз. Мектеп алғашында совхоз кеңсесі, кейінен тұрғын үйге айналса, облысты Шалбай Құлмаханов басқарып тұрғанда кеңейтіліп мектеп үйіне айналыпты.Сексеннен аса оқушы білім алуда дейді сондағы ұстаздардың бірі. Әр ауылда кездесетін кемшіліктің бірі қаладан ауылға келетін жастардың келуі сиреген дейді ауыл тұрғындары. Ауылда медпункт, мәдениет үйі, жеке кәсіпкерлер жұмыс жасайды екен. Шаруақожалық иелері жаздың бір күні жылға азық деумен дала жұмыстарында тынымсыз жұмыс жасап жатқанын байқадық. Тасашы жеріне табан тірегенімізде жылдар жылжып өткен сайын жаңа тұрғын үйлер бой түзеп көшелері толық жарықтаныпты.Кезіндегі ойлы шұқыр жолдарға асфальт төселіп, ретке келгені бізді қуантты. Білім ошағы күрделі жөндеуден өтіп жатқанын, оқушылардың білім алуына жағдай жасалды дейді ауыл әкімі Ерболат Төребеков. Ауылда мәдениет үйі, дәрігерлік амбулатория, халыққа қызмет жасап ел алғысына бөленгенін естідік. Жастар спорттық алаңы, балалар ойын алаңы іске қосылыпты. Сарыкөл бағытындағы аралық жолдың сметалық жобалау ісіне тапсырыс берілгені келер жылы толық асфальтталатынын ауыл әкімінің аузынан естідік. Жеке қожалықтардың құмырсқа тірліктің нәтижесі әр бір тұрғын үйдің ауласында төрт түліктің мая – мая шөптері көзге ілінді.
Кіші Тасашы аталатын шағын ауылдың ауыз сумен толық қамтамасыз етілгенін көзімізбен көрдік. Төрт түлікпен күн көретін ауыл тұрғындары үйлерін заманауи үлгіде жаңартып аулалары мал азығына толығыпты. Асыл тұқымды мал өсіру әр бір шаруаның міндеті дейді сондағы тұрғындар. Атқарылып жатқан әрбір істі көзбен көріп білу сондағы ауыл тынысы деп білеміз.Бізде риза көңілімізді білдіріп, ел аман, жұрт тыныш болсын деген ізгі тілегімізді білдірдік.

Тасашы ауылдық округіне қарасты Ақтасты ауылында 2024 жылға атқарылатын жұмыстар

Жол мәселесі бойынша:
Ағымдағы жылы Ақтасты ауылының ішкі көшелерінің жөндеу жұмыстары басталады. Жөндеу жұмыстары жүргізілетін көшелердің жалпы ұзындығы 7 шақырым. 2024 жылға бөлінген ақша қаражаты 50 миллион теңге.

Көше шамдары бойынша:
Биылғы жылға округке 93 бағана көше шамдары орнатылады деп жоспарланған. Оның ішінде 55 бағана Ақтасты ауылына орнатылды. Қазіргі таңда тиісті құжаттарды рәсімдеу жұмыстары жүргізілуде. Бағалауға қойылып, мердігер ұтып алса аз уақытта көше шамдарын орнату жұмыстары басталады.

Өңірлерді дамыту бағдарламасы.
Аталған бағдарлама бойынша Ақтасты ауылына құны 15 миллион болатын балалар алаңы мен воркаут яғни далада жаттығу жасауға арналған спорттық қажеттіліктер орнатылған спорт алаңқайы. Қазіргі таңда құжаттар толықтай рәсімделіп, ақша қаражаты бөлініп тұр. Маусым айында конкурс ашылса шамамен шілде айының соңында құрылыс жұмыстары басталады деп жоспарлануда.

Ақтасты ауыз суы.
Өздеріңізге мәлім су жүйесін ұтып алған мердігер компанияның 2 жылдық кепілдеме уақыты бар. Күні кеше Досжан деген азаматпен сөйлестік. Тараз қаласында іссапармен жүр екен. Насос алып қойыпты аз күнде келіп орнатамыз деп уәде етті.
Одан тыс Тасашы ауылы мен Ақтасты ауылдарындағы қоқыс төгетін орындар белгіленіп, құжаттары рәсімделуде, аудан әкімдігінен мемлекеттік акт алуға қажетті қаражатты сұрап қойдық. Ақша бөлінсе аз уақытта мемлекеттік акт аламыз. Құжаттар заңды болса алдағы уақыттарда қоқыс алаңын тазартуға, қоршатуға т.б жұмыстарды ұйымдастыруға жеңіл болады.

Нұрболат Тастанқұлов,
Тасашы ауылы.