18 тамыз – Шекарашылар күні

Қырағы күзет қырандарына жағдай жасалынды

Кеген ауданы таулы аймақта орналасқан жазы салқын, қысы суық елді мекенге жататын аймақ. Алматы облысы, Кеген ауданының әкімдігі алғашқылардың бірі болып, отанымыздың тыныштық күзетінде жүрген шекарашыларымызға қолайлы жағдай жасады. Қырғыз республикасымен шекаралас жатқан «Шарқұдық» аймағында Кеген ауданының ауылдық округтерінде сарбаздарға жағдай жасау бағытында контейнерлік жылыту пунктері қойылды. ҚР ҰҚҚ ШҚ Алматы облысы бойынша Департаменті Райымбек ауданы шекара басқармасының «Амангелді» шекара бөлімшесінің аумағындағы шекаралық бекеттің ашылу іс шарасына ҚР ҰҚҚ ШҚ Алматы облысы Департаментінің бастығы, полковник Каюпов Әлібек Амангелдіұлы және Кеген ауданы әкімінің міндетін атқарушы Қабылбеков Кеңес Күнесбайұлы сөз сөйлеп, шекара күзетінде жүрген офицерлермен шекара сарбаздарын алдымызда келе жатқан «Шекарашылар» күнімен құттықтап, бекеттің лентасын қиды. Қырық бес шақырымды қамтып жатқан шекара аумағын күзетіп жүрген сарбаздарға бекетте бар мүмкіндік қарастырылғаны қуантты. Әскери сарбаздардың денсаулығын ойлаған Кеген ауданы әкімдігіне алғыстан басқа айтарымыз жоқ дейді шекарашыларымыз.
Аудан айнасы «Қарқара» газетінің ұжымы Отан қорғау күзетінде жүрген шекарашы офицерлер мен сарбаздарды басылым арқылы аудан халқы атынан құттықтап, қырағы күзеттің қырандарына айналыңыздар,- деген ізгі тілегін білдірді.

Нұрболат Тастанқұлов,
Қарқара.