Ұлттық құндылықтарды дәріптеу – білімнің бесігі

99

«Ұлттық құндылықтарды дәріптеу – білімнің бесігі» атты Жалаулы орта мектебінде аудандық семинар өтті. Семинардың негізгі мақсаты – оқушыларға  ата-бабамыздың дүниетанымын қастерлеуге, дәстүрімізді дәріптеп, салтымызды сыйлауға үйрету. Мектеп пен ата-ана арасындағы байланысты нығайту. Үлкенді сыйлауға, құрметтеуге үйрету.

Келген қонақтарды мектеп табалдырығын аттағаннан басап мектеп директоры А. Нүсіпов пен  мектеп ұжымы  тілеу көжеден дәм таттыру сынды қазақы ырымдар мен салтымызды ұстана отырып, ақтан ауыз тигізді. Сонымен қоса келген қонақтарға арнайы асық, таға, домбыра бейнесінде сувинер таратылып берілді.

Ұлттық құндылықтарымыз бен дәстүр-салтымызды сақтай отырып, білімнің шегінде ұштастыруды көздеген мектеп ұжымы кіре берістен бастап, рухани бай, еңбек сүйгіш, тапқыр жан-жақты, рухты ұстаз, ақылына көркі сай, озат оқушы тәрбиелейтін сынды тақтайшаларды ұран етіп маңдайшаға қадап қойғандығын көзіміз шалды. Мақсат бар жерде, талапта, талпыныста болар деген сөз санамызға ой салды. Әрине, қойған мүдденің әрекетпен тұспа-тұс келуі тәжірибемен өлшенері сөзсіз. Осы тұрғыда тәжірибе алмасу мен білім жетілдіру мақсатында өтіп жатан аудандық семинарға аудандық білім беруді дамыту оқу әдістемелік орталығының бөлім басшысы  Ж. Насырбаева, мектеп директорлары, мектеп мұғалімдері қатысты. Бастауыш кабинетінде семинардың ашылу салтанаты өтіп, мектептің спорт залында оқушылардың қазақы бейнеде орналсқан макет бейнелері қазақы ауылдың исін аңқытты. Яғни, көң жапқан әйел, самабар қайнатқан әйел бейнесі, қазақ үйде домбырасын қолға алған шешендер мен  жыршылар, келі-келсап түйген әйел, диірмен басындағы ана бейнесі көркемделіп қазақы ұлттың нақышты бейнесін әсемдеген. Сондай-ақ, қазақтың ұлы ақыны Абай бейнесін сомдаған баланың келбеті айна қатесіз қатқан мүсіндей тұрды. Бейне бір қазақтың өткеніне оралып, сол бір маңда кезіп өткендей әсер алды. Мектеп ұжымы мен оқушылар дерлік қазақша киініп, қазақ үйдің жарты макетінде орналсқан үйдің қосалқы көшірмесі көңіл аудартады.  Қазақ даласының көрініснде өткенімізді, көшпелі қазақ жұртының өмір белесін паш етті. Бүгінгі күнде қазақы дәтүрді ұлықтап, мектеп формасына қазақилықты енгізуді көздеп отырған ұстаным мен сол бағытта тәлім-тәрбие беруді мақсат тұтқан  семинар өз кезегінде «Әке –алтын діңгек!» атты коучинг өткізді. Мұнда әкелерді ортаға алдырып, екі топқа бөліп, тақырыпқа сай сурет салып, салған суреттерін мағыналы түрде ашып беру ұсынылды. Бірінші топ бәйтерек суретін салып, әке бәйтерек, бала жапырақ тақырыбын тарқатып өтсе, екінші топ тау мен бұлақты бейнелеп, әке- асқар тау, бала бұлақ деген қағидада өз жұмыстарын керемет деңгейде тарқатып өтті. Тіпті, тақтаға теріс қарап, беттері жабылып түскен ұл-қыздарының суреті жасырынды, сол бейнеден әке өз ұл-қыздарын табу ұсынылды. Сәл тосылып қалған әкелер сәл ойланып алып, өз балаларының суретін тауып жатты. Бүгінгі таңда жұмыс барысы деп көбіне әкелер балаға көңіл бөлмей жатқан жайттар көптеп кездесіп жатады. Сол олқылықтың орнын толтыру мақсатында әкелерге ой салар болсын деген ниетте өткен коучинг өз дегеніне жетті.

Жоғарыда айтқан қолға берілген  домбыра, таға, асыққа байланысты заманауи жабдықталған кабинеттерде «Орындалатын қызметтер бойынша жүйке жүйесінің бөлімдері» тақырыбында ашық сабақ билогия пәнінің мұғалімі Ш. Баққожа, «Тәуелсіздіктің алғашқы жылдарындағы Қазақстанның экономикалық дамуы» тақырыбында ашық сабақ  тарих пәнінің мұғалімі Қ.Қожабек, «Жануарлардың сипаты. Дуадақ» тақырыбында ашық сабақ  бастауыш сынып мұғалімі Г.Нұрқаева , «Ұлттық құндылық- тәрбие бастауы» тақырыбында тәрбие сағаты бастауыш сынып мұғалімі  Г.Ибраева, әр пән бойынша  кабинеттерде  білім алмасу семинар сағаттары өткізді. Балаларға алдымен стол астында жасырылған жігерлендіру мақсатында тәттілер ұсынылып, жеке-жеке тапсырмалар берілді. Арнайы жоғарыдағы пәндерге байланысты өз ара тақырыпқа сай білім алмасу кезеңі өрбіп, соңында келген қонақтардан кері байланыс орнату ұсынылды.

«Ақылды сабақ –білім сапасын көтеру» жобасы аясында  оқу-ісі жөніндегі орынбасары А.Нуржикеева лекция оқып, тәжірибемен алмасты.

Қазақ тілі мен әдебиет пәнінің мұғалімдері А.Маматаева, Ә. Бірімқұлова «Ұлттық құндылық – Тәуелсіздік тірегі» атты сахналық қойылым қойып, көңіл сергітті.

Ұлттық құндылықтарымыз бен ұлттық мәдениетімізді дәріптей отырып, оқушылардың санасына сіңіруді мақсата етіп, ауданаралық мектеп ұстаздарымен білім алмасуда негіз қалаған семинар өз мәресіне жете отырып, білім жетілдіруде, құндылықтарды ұлықтауда озық ойлы ұстаз, білімді шәкірт, білікті басшы қағидасын ұстана отырып, діттеген ұстанымына жетті деуге болар. Ұлт өнегесі – кейінгі ұрпақтың қазақ дәстүрін бойға сіңірі отырып, біліммен ұштастыру. Ата-баба қалыптарстырға тәрбиенің сарынында ұрпақ бойына сіңіру ертеңімізге жол ашар үлкен қадамдар мен мүмкіндіктер болмақ.

 

Лаура Мұхаметқали,

«Qarqara».