«Жер– елге аманат, Ел– ерге аманат»

73

Қазақстан әлем бойынша жер аумағы жағынан 9- орында орныққан мемлекет. Ал жайылымдық жері жөнінде тіпті 5- орында. Былайша айтқанда, жер көп. Бірақ тура биылға дейін көптеген ауылдық жерлерді¬ң айналасында мал жаятын жер жоқ деген мәселемен бетпе-бет жолығып келдік. Бұл – әрине, парадокс.
«Мемлекет басшысы Қасым-Жомарт Кемелұлы Тоқаев өткен жылы Үкіметтің кеңейтілген отырысында бос жатқан жайылым жерді қайтаруды және оларды ауыл тұрғындарына қолжетімді етуді тапсырған болатын. Осыған орай
«AMANAT» партиясының жанынан барлық өңірлерде, соның ішінде Кеген ауданында да «Жер аманаты» комиссиясы құрылған болатын.
Мемлекеттік деңгейдегі ауқымды жұмыстардың нәтижесінде 2023 жылдың басынан бері ауданда нысаналы мақсаты бойынша пайдаланбай отырған жер пайдаланушылардың келісім шарттарын бір жақты бұзу және қайтару жұмыстары нәтижесінде 9028 га жер көлемі ауданның жер қорына қайтарылды.
Сонымен қатар, мемлекет меншігіне қайтаруға заңды тұлғалардың келісім шарттарын бір жақты бұзу бойынша 5 ЖШС (Рахат Тур ЖШС – 7 300 га, Қайрат-Б ЖШС – 212 га, , Жалаңаш Агро Аганас МТС ЖШС – 200 га, Темірлан-С ЖШС – 200 га шабындық, Алғабас Мугалжар ЖШС-229 га шабындық), 2 жеке азаматтың (Иманкулова Ляззат – 353 га, Мергенбаев Базарбай – 69 га), жалпы көлемі 8 563 (сегіз мың бес жүз алпыс үш) га жер учаскелеріне талап арыз толтырылып сотқа жолданды.
Мемлекет меншігіне қайтаруға заңды және жеке тұлғалардың келісім шарттарын бір жақты бұзу бойынша 1 жер пайдаланушының (Алғабас Мугалжар ЖШС-229 га шабындық ), жалпы алаңы 229 га жер учаскесіне талап арыз толтырылып сотқа жолданды.
«Алматы облысының жер ресурстарын басқару департаменті» РММ– не ҚР Салық кодексінің 509-бабының 5-тармағына сай 20 есеге жер салығын өсіруге 1 заңды тұлғанының 1000 га жер учаскесіне нұсқама хат жолданды.
Ауыл тұрғындарының негізгі күнкөріс көзі– ол жайылымдық жерлер. Халықпен кездесулер барысында елді мекендердің айналасындағы жайылымдардың жетіспеушілігі туралы жиі айтылады. Сол себепті де жерді қайтаруда түрлі механизмдер қарастырылған. «AMANAT» партиясы «Жер аманаты» жобасы аясында тиімсіз пайдаланылған жердің бәрін қайтаруды міндет етіп отыр. Мемлекет меншігіне қайтарылған жерлердің игілігін нақты қолынан іс келетін шаруалар көретін болады.

Дастан АБДРАСИЛОВ,
«Аманат» партиясы Кеген аудандық филиалының кеңесшісі.