Мемлекет Басшысы Қ.Тоқаевтың ұлттық арнадағы берген сұхбатын көріп, көкейде жүрген сұрақтардың жауабын алдық. «Қасіретті қаңтар» оқиғасы биліктің барлық саласында әлеуметтік-экономикалық саясатты одан әрі дамытуға түрткі болғаны рас. Халықтың көкейінде жүрген мәселелердің бірі бүлік кезінде ұсталған азаматтардың жағдайы, сондай -ақ, алдағы уақытта елде орын алатын түбегейлі өзгерістер жайында нақты жауабын беріп, өз көзқарасын жеткізді.
Қазақ елінің тағдырын өзіміз ғана шеше алатынымызды айтып өткен мемлекет Басшысы осы арқылы бізге жауапкершілік жүгі зор екендігін тағы бір мәрте еске салғандай.
Әрине, барлық қордаланған мәселелерді бір күнде шешу мүмкін емес, оны зерделеп, нақты жоспарлар құру қажет. Ол үшін президентіміздің наурыз айында жария ететін саяси реформалар бағдарламасына өз тарапымыздан қолдау көрсетіп, жүзеге асыру үшін біркісідей атсалысу қажет.
Бірлігі жарасқан елдің ғана даму жолы айқын. Осы орайда мен мемлекет Басшысының бағыт-бағдарын қолдап, Қазақстанды жаңғырту жолына шақырамын.
Алматы облыстық мәслихатының хатшысы Жанболат Жөргенбаев.
