Мақпал Мыса мәжіліс парламентіне кандидат ретінде қатысуын қолдай отырып, оның алып отырған бағыт бағдарларының ертеңі барына біз шүбәсіз сенеміз де, түбегейлі сенім білідреміз. Ауылдан өз туған жерімізден шыққан осынау ақын қыздың болашағынан үміттіміз. Ауылдың әлауқатын көтеруде, ауылдың хал-ақуалын біледі, ертеңге ауылдың көреюуіне бір кісідей атсалыса отырып, бүгінгі қоғамның түйткілді мәселесін сараптай білетіні көңіл қуантады. Сондай-ақ, жас ретінде жастардың әлеуетін көтеруде, қоғамдағы орны мен ауыл жастарының ертеңіне зор ықпал етеріне жұмыла іс атқаратынына біз сенімдіміз.
Кәсіби білім – тұрақты табыс көзі екенін негізге алған Мақпалдың бағытын құптай келе, бүгіні қоғамда біліммен біліктіліктің шығар биігі зор екенін айтқым келеді. Әрине, «білімді – мыңды жығар», деген сөздің төркінін бүгінгі жастардың санасына сіңіре отырып, білімсіздің күні қараң екенін жүйелі жеткізіп, оқысаң табар наның бар екенін, болмаса кәсіппен айналысқанның ұтары бар дегенді меңзегені де көңілден шығады.Тағы басқа ауыл мәдениет көтеруде рухани азық ауылда екенін бойына сіңіріп өскен Мақпалдың елдің, ауыл жұртының тұрмыс тіршілігінен хабардар екенін де негізге ала отырып, шын ықласымызбен игі існе қолдау танытамыз деп сенемін. Мен аудандық аналар кеңесінің төрайымы ретінде ана жүрегіммен жерлесімізі Мақпал Мысаның бастамасын құп көре отырып, шығармашылық жолында жүрген батыр қыздың әр сөзі мен ісінің батпанай салмағы барына, осынау қоғамда атқарар әр існе адал ырызық пен ниет тілей отырып, өсе бер, өркендей бер, ауыл жұртының ертеңне зор үлесіңді қоса отырып, ертеңге апарар жолда ауылдың гүлденуі мен қазақилықтың отаны саналған ауылдың өркен жайып, көріктенуіне үлес қоса бер дегім келеді.
Бақытгүл Көнеева,
Аудандық аналар кеңесінің төрайымы.
«Мен праймеризге барамын !» – деген біршама азамат-азаматшаларды көрдім. Соның ішінде Мақпалдың орны ерек. Атап айтқанда, өнері мен өжеттілігін былай қойғанда, қазақ поэзиясындағы орны туған топырақты ғана емес, күллі қазақ жұртын тәнті еткендіктен де болар, осындай игі бастамаға ат салысып жатқандығы дүйім жұртты қуантты. Қазақ қызының қайсар мінезі мен қайрат күші қоғамға керек істердің басында болатынына сенімім мол. Сондықтан, Мақпалдай қыздың сенімді өкілі болып, батамды беріп, ел ішін бірге аралап, халықтың тұрмыс-тіршілігімен жете танысып, шешімін таппаған сауалдарға өз тарапымыздан қолдау көрсететінімізді айттық. Сондай-ақ, халықтың да саяси науқанды қолдап, өз бастамаларын ашық жеткізгеніне тәнті болдым. «Туған топыраққа еңбегім сіңсе екен» деп, жұдырықтай жүрегін ата-жұртқа арнаған Мақпал қызыма «Бағың жансын!» деп, тілек тілеп, батамызды бердік. Елорданың төрінде өлең оқып, талайды таңдай қақтырған қайсар қызымыздың ел үмітін ақтайтынына сенім мол!
