Көңілімді көкке жеткізеді

232


Арайлы таңның шапағатына, берекелі күннің нұрына бөленген, жақсылыққа жан ұшыра кірісіп, ел алғысына бөленіп жүрген көпке үлгі іс танытып әр ісінен ләззат алатын Қуаныш Мұханбекқызын білмейтін жан кемде-кем шығар. Таңмен таласа жүріп елге аза да болса пайдам тисе деп көппен үндесе жүретін Қуаныш апаның жүзі жайдары, көзінен шуақ шашып жылылығын төгіп тұратына тағы бар. Өмір белесінде қай істе болмасын ұйтқы болып, ер көтерер жүктің салмағын арқалап жүрген жан жайлы тағы айтуды жөн санап отырмыз. Себебі Қуаныш Мұханбекқызы өз қаражатынан аудандық мәслихаттың алдын одан сайын жандандыруға кірісіп-ақ кеткен. Өткен жолы бүркіттің бейнесін қондырып бүркіт- қырандай көкке ұмтылған аудан халқының биіктікке ұмсынған көңіл көкжиеген ұғындырса, бүгінде тағы бір игі істің өрнегін жалғап төлімен оралаған еліктің мүсінін орнатып, алаңға жан бітіргендей болды. Көрген, барған, ары-бері өткен жанның жүзінен жылу шашып, мүсіннің бейнесіне сүйсіне қарап өткенін көзіміз шалғаныда бар. Апаның айтуы бойынша мәслихат алдына алда да қар барысы, көкқұтандармен қоса газондар қондырып, гүлзарлармен көмкеріп, гүлдендіретінін естіп қуанып қалдық.

Елім, жерім деген туған өлкенің перзентіннен өрнекті ісі, жан жылытып, көпке ой салғаны тағы бар. Әрине, аудан жұртының өнегелі өмір көшінде күн кешіп, жақсылық атаулыға көңіл қошын білдіріп алғысын жаудырып жатқаныда айқын. Осындай өзім деп өзіне ғана сәулесін төкпей қолында бар жайсаңдар жаңа құрылған ауданға, ел игілігіне азда болса септігін тигізсе деген үміт пен сенім зор бізде. Көпке үлгі ретінде Қуаныш апананың іргелі ісі алда да жалғаса беретінін өзі тілге тиек етті. «Ауданымының көркеюуі менің көңілімді көкке жеткізеді»,-деген Қуаныш апаның әлі де атқарар ісім жетерлік Алла қуат берсі деген ниет тұрды көкейінде. Бізде жаратушы осындай ауданымыздың берекесі мен жақсылығының шам-шырағы Қуаныш апаның ғұмыры ұзақ болып, ел алғысына бөленіп, көкейдегі ісінің өрнек табуына тілектестік білдірдік.

Лаура Қарасартова, «Qarqara».