Әжелер әнімен ажарланған кездесу

373


Ауданымыздың шетінен орын алып отқан жері жайсаң Бөлексаз ауылында бүгүнгі болған әжелеріміздің «Тәжірбие алмасуы» атты кездесуі өтті. Бұл үрдіс сонау 1990 жылдардан бергі, алғаш ауданымызда әжелер ансамбльі құрылып жатқан кезде болған еді. Осыған түрткі болған Алғабас ауылынан шыққан , мәдениет саласына еңбегі сіңген , шығармашылық табысымен халыққа қуаныш сыйлаған Әкімбек Бақкелді ағамыз бен Бейсенов Қызай ағамыз қосылып ауыл шетінен күтіп алып, қуанышты жүздесуді ауыл ішінде өткізді. Ауыл көшін тек алға бастап келе жатқан «Әжелер ансамбльі» осы өткен шараның көркін кіргізіп, жақсы көңіл күймен өткізіп, қазақы ұмытылып бара жатқан ән жинақтарын қайта жандандырып насихаттады. Биылғы жылы 15 жыл толып отқан ансамбль әжелерінің жылдан жылға жастары өтіп бара жатыр, соған қарамастан осы жылдан бастап аталар ансамбльін де құрудағы жоспарлары бар. Ен басты мақсат «Ағниет ансамбльі» мен бірге барлық көрген білген үрдісті халыққа көрсетіп өз қалпында қалдыру дейді Бақкелді ағамыз. Шара барысында толықтай қазақи әндерімізді шырқап, тамаша көңіл күймен өткізді. Соңында Алғабас ауылынан шыққан ансамбль мүшесі болған Запура әжеміз өз тілегімен, ақ батасымен аяқтап тарқасты. Осындай ақ самайлы, ақ жаулықты, дәстүрлі дүниелерімізді үнемі еске салып, ұмытылмастай із қалдыратын қарттарымыз жасай берсін тек жақсылыққа толы болғай алдағы күн демекпіз.