Жұмыла көтерген жүк жеңіл
Сарытаудың басын қар шалып, қыстың қыр астында екенін байқатып тұр. Десе де сегіз ай қар құрсауында жататын кегендіктерге үйреншікті әдеттері бойынша
әрбір отбасының қыс қамына ертерек қамданып алғаны байқалып тұр.
Күздің қара желі өңменіңнен өтіп кететіні рас, соған қарамастан ауданымыздың 90 жылдығы аясында «Кеген
Жерұйық» жастарының бастамасымен ұйымдастырылған 2019 жастар жылында
«Денсаулық -2019» фестивалін өткізді. Кең алаңға спортшылар көптеп жиналды.
1977 – 1990 жылы туылған жастар аралығында волейбол, футбол, арқан тарту
ойындары ұйымдастырылып, көрермен көңілінен шыға білді.
«Туған жерге туыңды тік» девизімен ұйымдастырылған спорттық шара әр жанға ой салып қана қоймай, жігеріне жігер қосты.
«Кеген Жерұйық» жастарының бастамасына
Алматы облысы әкімі Амандық Ғаббасұлы өз ризашылығын білдіріп, еңбектеріне сәттілік тіледі. Ауылдың көркеюі еліміздің Президенті Қасым- Жомарт Тоқаевтың өз Жолдауында ел экономикасының өркендеп, дамуы жалынды
жастар қолында екенін айтқан болатын. «Ел боламын десең, бесігіңді түзе» демей ме дана халқымыз. Аудан жастарына
қозғау салған «Кеген Жерұйық» жастарының бастамасы талай қиын- қыстауда қалған отбасыларына көмек қолын созып, оларды баспанамен қамтамасыз еткен осы жастар болатын. Көршілес аудандармен қарым- қатынасқа түсіп, облыс көлемінде қозғау болған жастарымызға үлкендеріміздің алғыстан басқа айтары жоқ. Батасын беріп, ақ жол тілеуде. Бір бағытта шектеліп қалмай, имандылыққа шақырған «Айт» мерекесі иманды ұл мен қыз тәрбиесі осы «Кеген Жерұйық» жастарының басты бағыттарының бірі. Жастар жылында атқарылған істердің басы- қасында аудан
әкімдігімен бірлескен іс- шаралар ел игілігіне асуда.
Біраз уақыт бұрын өткізген «Наурыз нақыштары», «Веложарыс», «Жаяу жарыс марафоны», мәуліт күндерінде жасалынған шарапат шаттықтары ел есінен кетер емес.
«Жұмыла көтерген жүк жеңіл» девизін ту еткен «Кеген Жерұйық» жастарының әрбір атқарған істеріне оңшылық тілей отырып, атар таңдары жарық, батар түндері жайлы болсын деген ақтілеу, ақсақалдарымыздың ақ батасы қабыл болсын!
Жарыс көрігін қыздырған өрім жастарымыздың еңбектеріне бізде сәттілік тіледік.
Суретте: спорт жарыстарынан көріністер.
Н. БАЛАБЕКҰЛЫ, (фото) Е. НҮСІПҰЛЫ.
