ҚОЛЫ ШИПАЛЫ МАМАН – ХАЛЫҚ СЕНІМІНЕ ИЕ

«Денсаулық – зор байлық» деген халқымыз адам өміріндегі ең асыл қазынаның деннің саулығы екенін ежелден-ақ ұғынған. Адам денсаулығын сақтап, сырқат жанына шипа сыйлайтын мамандардың еңбегі әрдайым құрметке лайық. Ел ішінде білімімен қатар тәжірибесі мен адамгершілігі арқылы көптің алғысына бөленіп жүрген жандар аз емес. Солардың бірі – ауданымыздың тумасы, қолы шипалы мануалды терапия маманы Даулетбаев Кеңесбек Көшкінбайұлы. 2018 жылдан бері халыққа қалтқысыз қызмет етіп келе жатқан білікті маман көптеген азаматтардың денсаулығын қалпына келтіруге өз үлесін қосып келеді. Ол адам ағзасының тірек-қимыл жүйесімен жұмыс істеп, омыртқа, буын және бұлшықет қызметінің бұзылыстарын түзету бағытында ем-шаралар жүргізеді. Жылдар бойы жинақталған тәжірибе мен кәсіби ізденіс оның халық арасында беделінің артуына себеп болды.
Қазіргі таңда омыртқа жарығы (грыжа), протрузия, тізе буындарының сырқаты, мойын мен бел омыртқасының аурулары, бас сақинасы (мигрень) сынды мәселелер көптеген адамдарды алаңдатып отыр. Осындай дерттер кезінде мануалды терапия мен арнайы массаж тәсілдері кейбір науқастардың жағдайын жеңілдетуге көмектесуде. Кеңесбек Көшкінбайұлы осы бағытта емдік массаж және қалпына келтіру жұмыстарын жүргізіп, әрбір адамға жеке ерекшелігіне қарай тәсіл қолданады. Маманның тәжірибесінде лимфа айналымын жақсартуға арналған массаж әдістері де бар. Сонымен қатар, ата-аналардың өтініші бойынша кішкентай балалардың жауырын тұсындағы бұлшықеттердің дамуына бағытталған емдік массаж жұмыстарын жүргізеді. Әрбір ем-шараның мақсаты – адамның қозғалыс белсенділігін арттырып, өмір сапасын жақсартуға ықпал ету. Ел ішінде «дәрінің емдемегенін мейірім емдейді» деген сөз бар. Науқасқа жылы қабақ танытып, оның жағдайына жанашырлықпен қарау – кез келген маманның басты қасиеті. Кеңесбек Көшкінбайұлы да қарапайымдылығы мен жауапкершілігінің арқасында көпшіліктің ризашылығына бөленіп келеді. Оның қабылдауында болған азаматтар денсаулығындағы оң өзгерістерді айтып, алғыстарын білдіруде.
Бүгінде ол туған ауданына арнайы келіп, жерлестеріне ем-шара жүргізіп жатыр. Бұл – туған елге деген құрметтің, халыққа қызмет етудің жарқын көрінісі. Алысқа сабылмай-ақ, тәжірибелі маманның көмегіне жүгіну – аудан тұрғындары үшін үлкен мүмкіндік деп білемін.
Әрине, денсаулық мәселесінде кез келген емдеу немесе оңалту әдісі дәрігердің тексеруі мен ұсынысына сәйкес жүргізілгені маңызды. Мануалды терапияның да өзіндік көрсетілімдері мен қарсы көрсетілімдері бар. Сондықтан ем қабылдар алдында маманмен жан-жақты кеңесіп, қажетті медициналық тексерулерден өткен жөн.
Халқымыз «Жақсының жақсылығын айт, нұры тасысын» дейді. Ел игілігі жолында еңбек етіп жүрген азаматтардың еңбегін бағалау – ортақ міндет. Өз кәсібіне адалдық танытып, халық денсаулығына қызмет етіп жүрген Даулетбаев Кеңесбек Көшкінбайұлының еңбегі көпшілікке үлгі болары сөзсіз.
Бүгін де аудан тұрғындары үшін қабылдау жүргізуде.
Байланыс телефондары:
* 8 747 386 31 69
* 8 777 022 91 36 (Кеңесбек)
Денсаулық – адамның ең қымбат байлығы. Оны сақтау мен нығайту жолындағы әрбір игі іс – қоғамның игілігіне қызмет ететін сауапты еңбек екені даусыз.
Лаура Қарасартова.