Референдум – елдік сананың сындарлы сәті

Референдум – елдік сананың сындарлы сәті

Қоғам өміріндегі маңызды шешімдер халықтың тікелей қатысуымен қабылдануы – демократиялық дамудың айқын көрінісі. Осы тұрғыдан алғанда референдум – тек саяси науқан ғана емес, ел болашағына деген ортақ жауапкершілікті айқындайтын тағдырлы кезең.

Референдум арқылы әр азамат өз пікірін ашық білдіріп, мемлекеттік маңызы бар мәселелерге үн қоса алады. Бұл – халық пен билік арасындағы сенімді нығайтатын, қоғамдық келісімді бекемдейтін маңызды тетік. Өйткені елдік мүдде ешқашан сырттан таңылмайды, ол ең алдымен халықтың еркін таңдауынан туындайды.

Референдум аясында көтерілген мәселе қоғамда әртүрлі пікір тудырғаны рас. Дегенмен пікір алуандығы – дамудың белгісі. Ең бастысы, әрбір азамат бұл үдерістен шет қалмай, саналы түрде таңдау жасайтыны айқын. Бұл – азаматтық жауапкершіліктің, саяси мәдениеттің қалыптасып келе жатқанын көрсетеді.

Газет редакциясы ретінде біз референдумды ел тағдырына бейжай қарамайтын, болашағын ойлайтын қоғамның көрінісі деп бағалаймыз. Халықтың белсенділігі мен жауапкершілігі – кез келген реформаның табысты жүзеге асуының кепілі.

Ел болашағы – ортақ іс. Ал ортақ іске үн қосу – әр азаматтың парызы. Референдум осы бір ұлы жауапкершілікті тағы бір мәрте еске салмақ.

Лаура Мұхаметқали,

“Қарқара” газетінің Бас-редакторы.