Шебер қолды Аяулым

282

Қолы қалт етсе титтей қолдарымен өрнек тоқуға отыра қалатын кішкентай жүректі Аяулымның істеген ісінің өресі биік екенін жасаған бұйымдарын көргенде ғана ой түйіп зер саласың. Кішкентайынан суретке жаны құмар  Аяулым Ө. Жаңабаев атындағы орта мектептің 6-сыныбын тамамдады. 10 жасынан қолөнерге қызығушылығы оянып, әлеуметтік желі арқылы өздігінен үйреніп, көкейге тоқып алған осынау ісінің бүгіннің өзінде нәтижесі біршама. Аяулымның қолдан тоқыған балаларға арналған жұмсақ ойыншықтары  арқылы, бойындағы ісмер талантын, шеберлігін көре аласың. Жасаған бұйымдары дүкен сөрелеріндегі самсып тұрған небір ойыншықтардан да артық, тіпті ол секілді зияндығыда жоқ десек жалған емес. Қытайдың ойыншықтарымен ойнап балаларымызда  күнелтуде, оның қасында қолдан дайындалған мына бір ойыншықтардың құны әлде қайда артық, тіпті қолдан жасалған дүниенің сапасы да жоғары болары сөзсіз. Кішкентай өнер сүйгіш Аяулымның жасап отырған дүниелеріне қарап қызығасың да іштей сүйсінесің. Қашан қарасаңда сабақтан тыс уақытында жаны сүйген істен бас алмай отыратынын көресің. Жан сұлулығы әркімнің ісінен білінеді демекші. Бала жүрегі, еңбексүйгіштігі ісмерлігінен байқалып көңіл көкжиегіңді желпінтіп, жансұлулығына таласы барына иланасың-ақ. Әрине кішкентайынан қолынан өнер тамып, осынша дүниені жарқыратып, бейне бір қисынын келтіріп жатқанының өзі үлкен жетістік деп білемін. Аяулым Әділқызы :«Әлеуметтік желіден қарап отырып, қызықтым. Сосын үйренуге талпынып көрдім. Қолымнан келмей ма дегем, анам үйреніп, талпынып көр», деді. Анасы Әлімжанова Гүлнұр «ниетін байқап көрдім, талпыныс бар. Үмітін жыққым келмеді. Ойлаған ойымнанда жақсы нәтиже бере бастады», деді.  Әрине, бір жылға жуық уақыт айналасында жақсы нәтиже көрсетіп отырған ісінің алда үлкен істерді арқалай аларына сенім зор. Әкесі Дауталиев Әділ де қызының ісіне барынша жағдай жасап, жабдықтарына мүмкінік туғызып бағуда. Оқуда озат, әр ісіне ұқыпты, өте зерек Аяулым Әділқызының ісіне бізде үлкен жетістікпен қолының ептілігіне сүйсіне, биік белестер мен толайым табыстар тілей отырып, өркенің өссін, талабың таудай болып, қолыңнан шыққан дүниелерің қуанышқа бөлей берсін дедік.

Лаура Қарасартова, «Qarqara».