Тыңдалым өтті
Лаура Қарасартова
Жуырда аудан әкімдігінің үлкен залында Кеген ауылының кәріз жүйелерін салу жұмыстарына қажетті кәріздік суларды тазарту жүйесі орналасатын жерді анықтауға орай тыңдалым өтті.
Кеген ауылының кәріз жүйесінің құрылысын салу үшін жобалық-сметалық құжаттама әзірлеуге 2023 жылдың қыркүйек айында “НИиПК Каздоринновация” ЖШС мен 103,1 млн теңге келісім шарт жасалынған. Техникалық тапсырмаға сәйкес, топографиялық түсірілім жұмыстары жасалынып, жер асты инженерлік геодезиялық зерттеу жүргізілді. Бас жобалаушы “НИиПК Каздоринновация” ЖШС-гі нормативтік методикалық құжаттамасы бойынша геологиялық жер қабаттарының жер бедерінің горизонтальді және вертикальді тиімділігін айқындау мақсатында тиісті жұмыстар атқарылған болатын.
Қоғамдық тыңдалымға жобалаушы компания өкілдері, маслихат депутаттары, мекеме басшылары, қоғамдық кеңес мүшелері, округ әкімдері, БАҚ өкілдері мен тұрғындар қатыстырылды.
Бас қосудың мақсаты – кәріз жүйесінің орналасу аймағын анықтау. Экологиялық, санитарлық және әлеуметтік аспектімен жер учаскесінің координаттарымен сызбасы таныстырылды.
Тыңдалым барысында таңдап алынған (сызба бойынша) жерлер қоғамдық талқылауда оң нәтиже бермеді. Алдағы уақытта кәріз жүйесінің орналасу аймағын қайта қарап, бас қосу өтетіні мәлімделді.
