Жаңа техниканың кілті табыс етілді
Жуырда облыс әкімі Марат Елеусізұлының қолдауымен Кеген су құбыры кәсіпорнына «Пикап JAC-T9», «FAW манипулятор-32» және эксковатор техникаларының кілтін аудан әкімі Нұрбақыт Молдахметұлы кәсіпорын мекемесінің директоры Алмас Сейтқожаға табыс етті.
Ауданымызда ауыз су мәселесі туындамас үшін, аудан аймағында ауыз су каналдары, ауыз су жүйелерінің атқаратын жұмыстарын оңайландыру үшін техниканың күші қажет ақ.
Су- тіршілік көзі демекші сусыз өмір жоқ. Тұрғындарды ауыз сумен сапалы қамтамассыз ету мақсатында ел игілігі үшін жасалынып жатқан игі істерге алғыстан басқа айтарымыз жоқ. Аудан әкімі су құбыры мекемесіне еңбектеріне табыс тілеп, жаңа техникалардың ауданымыздың өркендеуі жолында қажет екенін атап өтті.
Лаура Қарасартова.
