Әлемге танымал Ақтастының Айсарасы

Айсараны бала күнімнен жақсы білемін. Ер мінезді болып өскен Ақтастылық Айсара Керімбекқызы жастайынан спортқа бейім, ауылда асауды атқып мініп, ат құлағында ойнайтынын білген бауыры Бәйдіш мерген, өзімен Ақтастының қарағайлы тауын аралатып спорт денсаулыққа пайдалы екенін түсіндіретін. Бәйдіш ағамыз қол мерген аңшышының өзі, көз көрім жердегі жар тас арасындағы аң біткен алдын кесе көлдемейтін кәсіби аңшының өзі еді. Бәйдіш ағаның алпыс ата, қырық жездесі демекші
шаңырағынан қонақ үзілмейтін, жора – жолдасы көп еді. Айсара Керімбекова 1982 жылы орта мектепті тамамдап, 1989 жылы Алматы қаласындағы Дене шынықтыру институтына түсіп, 1994 жылы бітіріп шығады. 1984 жылдан «Динамо» командасында самбо – дзюдомен айналысуды бастайды. Алғаш Брянск қаласында өткен чемпионатта Кеңес Одағы бойынша екінші орынды иемденіп, содан бастап Кеңес Одағы құрамасында сегіз жыл күресіп жүріп шеберлігін шыңдайды. 1984 – 1996 жылдары аралығында өткен lstania шаһарында, 1-ші орын алып Қазақстан чемпионы атанады.

Мәскеу, Тарту, Беларуссия, Брянск қаласында өткен халықаралық турнирде бірінші орындарды иемденіп чемпион атағын жеңіп алады. Қазіргі таңда Алматы құрылыс және Халықтық кәсіпшілдік Коледжінде ұстаздық қызмет атқарып келеді. Айсара Керімбекова алпыстың асқарына құлаш сермеп, өзі туып өскен жері Киелі Кеген төрінде халқының алдында есеп беріп, Дзюдо күресінен 2012 – 2013, 2014 – 2015 жылы туылған кіші жасөспірімдер арасында Кеген ауданының ашық біріншілігінің ашылу салтанаты өтті. Тұңғыш дзюдо және самбо күресінен Әлем кубогінің иегері және Азия чемпионын қолдаған Кеген ауданының әкімі Нұрбақыт Молдахметұлы спорт сүйер жас ұрпаққа үлгі өнеге көрсеткен Айсара Керімбековаға ел адында Кеген ауданының «Құрметті азаматы» атағын тапсырып, иығына шапан жауып ауданның Құрмет грамотасын табыс етті. Салтанатты бас қосуда аудан ақсақалдар кеңесінің төрағасы Сабыр Досымбеков ақ жарма ақ батасын берсе, Қазақстанның кикбокстан Әлем чемпионы Махметов Сабыржан, самбодан әлем чемпионы Сәлкен Жартыбаев, самбодан әлем чемпионыБауыржан Садыханов, кәсіпқой бокстан әлем чемпионы Садрадин Ахметов, ҚР-нің еңбек сіңірген жаттықтырушысы Рауан Қапар, «Аламан» қорының президенті Мұқанов Марат, Айсара Керімбекқызының жаттықтырушысы Аманжолов Сұлтан ағаларымыз сөз сөйлеп спорттағы еңбегін бағалап Айсараға алтын белбеу мен республикалық дәрежедегі төс белгілермен «Құрмет» дипломдартабысталды. Кеген ауданының азаматшасы, тұңғыш қыздар арасындағы Дзюдо және Самбо күресінен Әлем кубогінің иегері, Азия чемпионы, Қазақстан Республикасыны бірнеше дүркін чепионы Айсара Керімбекованың алпыс жас мерей тойына орай ұйымдастырылған Кеген ауданының ашық біріншілігіне Алматы қаласы, Жетісу облысы, Қонаев қаласы, Жамбыл ауданы, Іле ауданы, Талғар ауданы, Еңбекшіқазақ ауданы, Ұйғыр ауданы, Райымбек ауданы және Кеген ауданы жасөспірімспоршылары қатысты.
Ауданымызда спортқа дене шынықтыру және бұқаралық спортты дамыту бағытында ерекше назар аударылып келеді. Боз кілемде күш атасын танытқан дзюдодан өз өнер тәсілін көрсеткен жасөспірімдерге ақшалай және арнайы дипломдар табысталып, мойындарына алтын, күміс, қоладан медалдар тақты.
Еліміздің ертеңі Тәуелсіз еліміздің көк байрағын көгімізде желбірете беріңдер деген ізгітілегімізді білдірдік.

Нұрболат ТАСТАНҚҰЛОВ,
Қарқара