14 наурыз — «КӨРІСУ КҮНІ – АМАЛ МЕРЕКЕСІ»

14 наурыз — «КӨРІСУ КҮНІ – АМАЛ МЕРЕКЕСІ»

14 наурыз – «Көрісу күні – Амал мерекесі». Бұл – қонақжа еліміздің ежелден келе жатқан көктем мерекесі.

Қазақ халқы қыстан аман-есен шыққанына, көктемге аяқ басып, туыс-туған, көрші-көлеңмен жүздескеніне қуанып, қол алысып, төс қағысқан. Бір-біріне деген араздық, өкпе-реніштерді ұмытып, амандық тілеген.

Көрісу күні Наурыз мейрамының бастауы деуге де болады. Адамның адаммен, жылдың жылмен көрісіп, қауышқан шағы бұл. Пенденің аузы аққа, мал аузы көкке тиген шақ. Наурыз – жаңару мейрамы.

Ынтымақ пен бірліктің, берекенің бастауына балап, бауырмалдыққа, татулыққа ойсытып, бір-бірімен көрісіп, амандық сұрасып, құшақ жайып, бауырына тартқан. Бауырлыңымыз артсын, татулығымыз бекемделсін деген ниетте.

Бұл дәстүрдің тарихына үңілетін болсақ, ертеректе көшпенді өмір сүрген ата-бабаларымыздың қыс айларында бір-бірімен көрісе алмай, көктем шығып, күн жылына бастағанда сағынысып, амандық-саулық сұрасуы дәстүр ретінде сақталып қалса керек. Қазақ халқының өскелең ұрпақты ізеттілік пен мейірімділікке, ауызбіршілік пен кішіпейілділікке, татулық, бауырмалдыққа бастайтын ерекше үрдістерінің бірі.

“Көрісу күні, амал мерекесі” құтты болсын! Еліміз аман, жұртымыз тыныш болсын!