ІРГЕЛЕС АУЫЛҒА КӨМЕК КӨРСЕТІЛДІ
Бөлексаз ауылы аудан іргесіндегі шағын ауылдың бірі. Ауылына қарап азаматын таны деген сөздің құдіреті тереңде жатыр емес пе? Мен білетін Бөлексаз ауылының халқы үлкендері ізетті, кішілері кішіпейіл еңбекқор, ән мен күйге бөленген ынтымағы жарасқан сырт көзге үлгі өнеге боларлық азаматтардың мекені.
Іргелес жатқан Қарқара ауылында бір азаматтың ала жаздай дайындаған мал азығы жанып кетіпті дегенді естіген Бөлексаздық тұрғындар танып білмеседе «әтеген – ай» – деп сөз көмегімен қол көмегін аямай көмек көрсеткендері естігендерге ой туғызғаны шындық. Неге өртеніпті демей, мал жанына обал болыпты деп көмек қолын бірден созғандары қуанты. «Ашаршылықта жеген құйқаның дәмі тәтті болады» демекші қиналған жанға қол үшін беру біріншіден адамгершілік, екіншіден кісіліктің белгісі деген тәмсілді ұстанған Бөлексаздың халқы басқа ауылдарға үлгі өнеге бола білді деуге болады.
Қолынан келгендері 5 – 10-нан руллон, прес шөптерін көмек жасап, ауыл үлкендерінің бірлік ынтымақтарын көрсетті. Журналист ретінде аудан көлемінде ауылшаруашылық жерлерін аралаған кезімізде көзіміз көрген шындыққа куә болдық. «Өзімнен басқа жерге шөп шықпасын» деген сөз кімдікі екен деп ойлаушы ем, мына жер кімдікі десек? Ауданда кезінде басшылықта істеген ірі қызметкерлер мен сырттан келген олигархтардың жеріне айналғанын байқадық. Онымен қоймай сұлу өлкенің табиғатында меншіктеріне өткізіп алғандары көп екен. Кеген өңірін қоршаған ақ қарлы тау тасымызбен тауларымыз алып жатқаны бәріңізге де мәлім. Қой басқа жаққа кете бермей Бөлексазымыздың салт- дәстүрге толы кең пейіліне тоқталайық. Көмек қорына 164 руллон, 300 тайланған шөп қыжалат тартқан отбасына табыс етіліпті. Жұмыла көтерген жүк жеңіл деген аталы сөздің иелері, қол созған ауыл тұрғындарына алғыстан басқа айтарымыз жоқ. Аттарын атасақ, жетпістің үстіндегі Ұлбосын апамыз екі руллонның ақшасын беріп жатқан видеосын ауыл шатынан көріп қуанып қалдық. Бектұрған аға, Тұрғанжан Бұршақбай, Олжас Нұржауұлы, Сатылған Тұрғанжан, Бақыт Бұршақбайұлы, Нұрлан Өмірбеков, Жайынбаев Марс, Мұхтаров Мұрат ниеттес пейіл білдірген ауыл имамы Абайбек Жасыбеков, тағы да басқа ауыл тұрғындарының берген көмегі, еселеніп Алладан қайтсын дейік.
Нұрболат Балабекұлы,
Бөлексаз ауылы.
