«ШЕКАРАСЫЗ МӘДЕНИЕТ» акциясы

Қ.Р.Президентінің 1993 жылғы 15 маусымдағы Жарлығына сәйкес қазан айының екінші жексенбісі – мүгедектігі бар азаматтар күні болып саналады.
Мүмкіндігі шектеулі жандарды елдің әлеуметтік,саяси және мәдени өміріне қатыстыру-мемлекеттік саясаттың басым бағыттарының бірі. Мүгедектігі бар адамдарға ізгілік пен қайырымдылық көрсетуді, олардың лайықты өмір сүруі үшін жағдай жасауды мемлекет өз жауапкершілігіне алып отыр.
Бүгінгі таңда елімізде 700 мыңға жуық мүмкіндігі шектеулі жандар өмір сүріп жатыр. Оның жүз мыңнан астамы балалар.
Ал Кеген ауданы бойынша 685 мүмкіндігі шектеулі жандар бар. Оның 109-ы 18 жасқа дейінгі азаматтар болса, 18 жастан кейінгі І топта-45, ІІ топта-270, ІІІ топта 264-і құрайды.
Қ.Р.Мәдениет және ақпарат министрлігі мүгедектігі бар адамдардың мәдениет пен өнерге деген ерекше қызығушылығын ескере отырып «Шекарасыз мәдениет» акциясын жариялады.
Қазан айынан бастап жыл соңына дейінгі «Шекарасыз мәдениет» акциясы аясында аудандық тарихи-өлкетану музейі ерекше келушілерге музей залдарын таныстырылып, сый-сияпаттар табысталуда.

Нұргүл Абдикаликова,
«Денсаулық – зор байлық»
мүгедектер қоғамдық бірлестігі
жанындағы күндізгі болу
орталығының әдіскері.