Кәсіпкерлер күні аталып өтті

Жуырда Кәсіпкерлер күні мерекесіне орай аудандық мәдениет үйінде мерекелік шара салтанат құрды.
ҚР Ұлттық кәсіпкерлер палатасы 2013 жылдың 9 қыркүйек күні ҚР үкіметі және «Атамекен» Одағы Қазақстандық үкіметтік емес ұйымның бірлескен шешімімен 2021 жылдан бастап 9 қыркүйек Қазақстан кәсіпкерлері күні болып бекітілді.
Мерекелік шараға ауданда, аймақ елді мекендерде еңбек етіп, өз ісін дөңгелетіп отырған кәсіпкерлер, мекеме басшылары қатысты. Алғаш сөз алған аудан әкімі Нұрбақыт Теңізбаев барша кәсіпкерлерді мерекесімен құттықтай келе, еңбектеріне табыс тілеп, аудан экономикасына қосар үлестері көп болсын деді. Мереке қарсаңында Жалаңаш ауылдық ақсақалдар алқасының төрағасы Әріп Сыбанбаевқа ауданның «Құрметті азамат» атағы беріліп, аудан әкімі ақсақалдың кеудесіне төсбелгісін тақты.
Алматы облысы Кәсіпкерлер палатасының Алғыс хатымен, Кеген ауданы әкімінің ақшалай сертификатымен төмендегідей бір топ кәсіпкерлер, Бакеев Ауған, Әбдірәсіл Игілік, Ілікұлы Дулат, Оспанова Сандуғаш, Ұлан Рысбекұлы, Нұрбек Сансызбай марапатталса, аудан әкімінің Алғыс хатымен бір топ ауданда еңбек етіп жүрген кәсіпкерлер марапатталды.
Сондай -ақ, «Үздік демеуші» номинациясымен Қуаныш Мұханбекова, «Үздік салық төлеуші» номинациясымен жеке кәсіпкер Г. Таударбекова, «Үздік жұмыс беруші» номинациясымен Е.Сағымбеков, «Үздік азақ-түлік дүкені» номинациясымен А. Мейрманов, «Туризм саласының үздігі» номинациясымен А. Болатқанұлы, «Үздік тауар өндіруші» номинациясымен Е.Аханов, «Үздік қоғамдық тамақтау орны» номинациясымен А.Кұныпияева, «Үздік қызмет көрсетуші» номинациясымен Ә.Иманқұл, Г.Тұрықбаева марапатталды.
Шара соңы аудандық мәдениет үйі өнерпаздарының концерттік бағдарламасына ұласты.
Лаура Мұхаметқали,
Фото Д.ЕРМЕКБАЙ.